係咪間樓賣左.就唔使計息？

其實你所計算到的按揭利息, 係你訂咗的按揭年期全期的利息, 即係如果你本來係訂咗分20年分期還款的話, 你所計到的利息就係你借足20年的總利息. 銀行的按揭貸款每月的供款雖然每個月都係同一個數目, 但如果你留意的話, 你會發現每月供樓的數, 都可以細分為還息和還本兩條數, 利率越高, 其中還本佔的數就越少, 還息佔的數就越大, 而隨住每月的供款, 其中還的本就越多, 還的利息就越少.這就叫做息隨本減.以現時的利率來計, 息和本佔的比例大約是4:6. 息佔40%本佔60%. 咁當你供咗一年後賣番出去, 到時你就只須還番俾銀行仍然欠的本金, 而利息就只須俾到銀行實際收到你的還款嗰日, 其餘年數的利息就唔須要還嘞.
不過, 你都要留意, 好多銀行做按揭貸款都有罰息期, 有啲一年, 兩年或三年都有, 如果你供咗一年就賣樓還清貸款, 咁除咗利息計到實際還款之日外, 可能仲有一筆罰息, 可能係總欠款的1%, 2%或3%都唔定,亦可能有一個最低罰款, 例如5萬元等, 以較高者為準, 要視乎個別銀行以及你當初點同銀行訂.

這種情況要看你和銀行的合約，可能會罸息。當然你供十年是不要付足十年利息。
若你供樓時要求銀行降低利率或有現金回贈，銀行要求有一段合約期(罸息期)，這段時間內你轉按或贖回，便要罸息，一般要罸一至三個月(要視合約而定)，此外你收了現金回贈，回贈要交回給銀行。
當你賣樓時，你一定要由律師行代辦手續，侓師行會將收到的樓價，代你往銀行贖契，會代理將餘下的本金加上罸息(若有)，餘下的錢便交回給你，若你是負資產，你便要補錢才可以贖契。

首先 ,你要找律師 贖回樓宇, 期間要交供欵 ,直至在律師行完成交易為止.