喇嘛有預知能力嗎?

其實好多普通人都有預知能力,不過無訓練過,控制唔到.
d未來既事自己閃出黎,又多數係d雞毛蒜皮既事,好小可以故意去預知.

我自己都有經驗.精神強既時候比較小, 精神弱既時候比較多, 比較零碎.
所以掌握唔到既預知能力未必係好野.

喇嘛-即係密宗僧人-有預知能力唔奇,因為密宗修行好注重心靈能力既掌握.
但追求預知能力唔係修行既目的.

喇嘛中,轉世再來, 再做喇嘛,繼續修行, 叫仁波切,為轉世喇嘛.
仁波切唔係帶住異能黎到世界.
只不過前世學過既,今世重溫一次就識,比平常人快好多倍.
仁波切亦唔係佛.
(活佛呢個名係以前d人譯得唔好,引致誤傳.香港已經唔用,但台灣好多重用緊.)

如果有人自稱活佛,就一定係騙子,與佛教密宗無關.
但有時係d教徒自己唔生性,亂叫d師父做活佛.

喇嘛, 仁波切, 有預知能力唔奇.但唔一定個個有.由其是喇嘛.
如果我衣家信密宗,出家.就成為一個喇嘛.未必有咩修為.

而且佛教唔主張宣揚神異,如果有僧人話你聽拒預知能力好勁,咁你就要小心喇.
呢個世界好多神棍.魚目混珠,咩宗教都難免.

2007-06-30 19:12:30 補充：
樓上圓滿風君,我唔同意因為一個仁波切犯錯,而話所有仁波切,甚至密宗都係假既.中國佛教僧人,牧師,都有行為不撿既例子.唔可以因為咁而否定整個宗教.如果唔係,一個中國人做賊,未變左你同我都係賊?