如果貓要養係樓,我好驚佢跳樓,我可以有咩方法防止佢跳落街!!急

貓係好好奇嘅動物~~
我只貓係娜威森林貓，
我住係六樓，有朝早，
我趕住返工，發覺好似唔見咗隻貓，
但係又趕時間，所以無搵佢，
(唔知點解好似知佢會落街咁)
返咗工之後心掛掛，決定打電話落管理處，
點知一問，佢地就話：我地見到有隻貓，
好似係你隻貓，嘩！我第一句就問佢點呀，
個管理員話，佢無事不過就好驚，
聽見佢咁講個心當唐都安心D，
我即刻打俾住係我附近個妹，
叫佢去管理處幫我攞番隻貓同埋帶佢去睇醫生，
去到診所將發生嘅事同醫生講，
醫生話要照X光，照完之後，
醫生話照唔到D咩野，但係要留院觀察，
如果佢個橫隔瘼無事就算隻貓好彩，
如果佢跌爆咗個橫隔瘼就要人道毀滅，
聽見醫生咁講，個心好唔舒服，
希望佢吉人天相。

跟住隔咗一日攞佢番屋企，番到屋企佢完全唔食野唔飲水，
剩係瞓覺，但係見到佢好辛苦咁慢慢懶上梳化度瞓，
(因為梳化軟林林)
想抱佢佢唔俾人掂，我先至知道佢係全身都好痛，
過咗三日，佢先至肯飲水，仍然唔肯食野，
到第五日先至慢慢懶去食咗小小野，
哎！六樓跌落去唔死都散咗一半啦，
我拿拿臨買個格仔網裝上個窗度，
用鐵線抓住個窗！
(窗外面有個花槽)
後來我發覺點解佢會跌落街？原來有蜜蜂、
雀仔係窗外面飛黎飛去，佢想撲出去捉佢，
貓見到會郁嘅野就唔理當時有無危險就撲出去，
跌過一次估佢唔會再試啦，
點知佢見到外面有動物飛黎飛去又想歷史重演，
好彩裝咗個網，就係咁先至知佢無有識死。

如果你住得咁高，就要做好預防措施先至好養呀。

我朋友住係十六樓佢隻貓又係跌咗落街，不過，
玩完！！

好笑!!!

除左一般0既裝窗網之外，你要留意下你屋企外面有無引發你隻貓出去0既野，例如上面某位講︰花槽，引來蜜蜂之類。

建議你雙管齊下，一定一定要裝窗網，同時要訓練佢唔好接近窗口！例如用禁區噴霧、橙皮水等！

我現在往在籠屋裡，全屋的窗子都加上掛網，我倍貓貓一起坐牢，很安全呀，什麼問題都沒有。

1) 如果你唔厭麻煩嘰話就可以裝d鐡絲網係隻窗到。唔可以唔開窗架, 唔好講貓地, 你都要新鮮空氣喇, 屋企無新鮮氣困住晒d舊空氣係入面, 好唔衛生架嗎。對貓貓嘰健康都唔好喇。

2) 可以試吓用一隻寵物禁區嘰噴霧噴係窗嘰範圍, 呢d噴霧嘰氣味人係聞唔到嘰, 只有貓狗聞到, 佢地聞到就唔會行近噴咗呢隻噴霧嘰地方。呢種噴霧都可以噴係傢俬度。

我隻貓有一次都試過差d跌咗落街, 好彩我發現得早, 一手拉返佢入黎, 然後打得佢好犀利, 嗰次之後佢就唔敢再爬窗, 只係將個頭伸出去望吓。

唔好開window羅, 佢仲意在window處街嫁.
但如你開window,第一二次佢應該不會出街的, 佢會好好奇咁看看.
但多幾天就不包了, 哈哈. 如沒有客到的話, 佢不會跌落街的. 但無路行要人救就不包了.

係個窗到裝上一d玻璃窗或者格仔網.露台就用落地玻璃門