初養者養幼貓 !! (10 點)

我依家隻貓都喺係SPCA領養架, 嗰陣時佢都只係得2個月, 依家已經兩歲喇。你幫SPCA暫養隻幼貓, 你知唔知佢地嘰條件係屋企24小時都會有人陪貓貓? 咁樣佢地先會比你做暫養父母架。

如果你真係暫養貓貓, 首先你要準備以下物品:

1) 貓廁盤 - 先用報紙墊底, 然後用兩個垃圾袋包住個廁盤, 兩個角打結後再倒貓砂入去。放貓廁盤嘰地方你也可以放報紙墊底, 咁樣就算貓貓痾出界都唔怕整污joe地方。

2) 貓砂-最好係紙砂, 千其唔好用沙嗰隻, 因為貓貓舔自己清潔嘰時候佢會舔埋d沙落肚架, 會磨傷佢d腸架。

3) 食具 - 鋁質或瓷器造嘰食具就最適合。我唔建議你用膠質造嘰食具, 因為佢同某些食物接觸後會釋放出一些毒素, 貓貓食咗會生病。

4) 水兜 - 每天要有足夠嘰乾淨清水比貓貓飲。但係每晚一定要換新鮮水比佢。

5) 乾糧 - 最好比天然嘰貓乾糧佢食, 我隻貓食Burns嘰, 有兩種味: 雞肉同海魚(我隻貓就黎食完雞味, 我今次會買海魚味比佢食, 無咁悶吖嗎)。之前食過Hills, Proplan, 但係我覺得Burns最好。 因為佢係一個獸醫研製嘰, 對貓貓絶對100%健康。我隻貓轉咗食Burns之後d毛色令咗好多, 比以前更健康。關於Burns乾糧, 你可以睇吓呢個website: http://www.loutinapets.com/。你都可以係呢到搵到港九新界邊到買得到Burns乾糧。(我同呢個牌子絶對無利益關係, 純粹因為覺得佢真係好好, 所以先極力推展呢隻乾糧) 如果你厭貴嘰話或者可以試吓Natural Balance (但係呢隻乾糧我無買過, 所以唔係好知佢嘰質素)

6) 濕糧 - 呢樣野視乎你自己。因為好多人都覺得餵濕糧唔好, 但係濕糧其實可以提供比乾糧更高嘰水份及營養。因為貓貓飲水比較少, 所以比濕糧佢食嘰話貓貓就可以吸收到多d水份。

7) 抓柱 - 呢個你一定要準備, 貓貓一開始有抓柱嘰話佢就唔會周圍抓傢俬或者牆壁

希望幫到你喇!

2007-06-26 22:13:36 補充：
聽你咁講即係屋企都無人睇住佢喇, 咁我建議你唔好做暫養父母了。因為暫養父母嘰意義在於在貓貓找到合適的領養家庭之前, 等貓貓有機會離開SPCA, 跟人相處, 咁樣到貓貓真係搵到好的領養家庭嘰時候, 佢對人就會有信任, 有時候更會主動去接觸牠的新主人。其實除咗我依家領養返黎嘰貓貓, 我都有諗過做暫養父母, 奈何我每天都要返工, 屋企又無人陪佢, 所以先打消咗呢個念頭...

2007-06-26 22:13:58 補充：
做暫養父母唔代表你對貓貓就無咗真正飼養佢嗰種責任, 貓貓始終都係有生命, 你接得佢返屋企就不單至淨係餵佢咁簡單, 佢病咗你一樣要帶佢去睇醫生, 一樣要同佢沖涼清潔, 佢一樣要人陪佢玩, 所以我希望你諗清楚。因為你問得去沙巴好定係做暫養父母好, 即係旅行對你黎講重要d, 咁不如你暫時放低暫養貓貓嘰念頭, 到你諗清楚先再養都未遲吖, 係咪? 養一隻寵物(無論係暫養定係領養), 都係一種責任, 唔可以話因為暫養, 到你唔鐘意嘰時候就拎返去中心。希望我咁講唔會offend到你, 但係我真係好想你諗清諗楚先好帶貓貓返屋企。 ^_^

你隻猫幾大呀? 我隻猫3個月大時開始養佢, 佢自己識得去猫沙"便便",唔洗教, 因為依d係佢天性, 另外要睇佢食開d咩, 我隻猫3個月大時大概一日食4次, 仲有記得同佢打針同比個私家"竇"佢呀!

養貓有幾方面要注意﹕

心態方面
1. 要得到所有屋企人同意
2. 大家都同意無論咩事一生一世都會照顧佢
3. 養貓較養狗易(個人覺得)，但係每天照顧佢飲食同埋清潔佢洗手間當然要，最好係每日同佢玩下仲有梳下毛。換言之，要有心理準備每日要抽大約半小時(起碼)去照顧
4. 貓係會甩毛，你好可能要加強清潔
5. 貓係動物，始終會有活潑一面，亦會有佢獸性一面，當然有天性。亦有d家居用品/佈置對貓貓有害，你要有心理收起晒佢。亦要有心理準備佢可能趁你唔為意r爛家中梳化、咬爛你d名牌衫又或者搵你個名牌手袋磨爪(當然收好或者搵布蓋好ok)
6. 你每天起身換衫，貓貓會幫你「檢查」你d衫而令你d衫有貓毛
7. 更好o既貓沙、貓沙盆，貓貓都絕對有機會帶到沙出o黎，你怕唔怕屋企多o左d沙？

我個人覺得心態係最重要，如果以上七點你無問題，請繼續睇(以下幾點亦非不重要)
1. 所居住環境是否准許養貓？
2. 養貓雖說開支不大，但打針、絕育、杜蟲呢d錢走唔甩，大約要洗千來二千元，你是否負擔得來？
3. 睇獸醫一次較人貴，雖則touch wood貓貓未必咁多病，但如果一下子貓貓病了，能否負擔幾百至幾千元的醫藥費？

如果以上共十點你都覺得唔係問題，咁就可以開始準備
1. 貓沙盆—平至幾十，貴至三百幾不同款式也可
2. 貓沙—平至幾十至百多元一包(大約可以用個多兩個星期)
4. 貓糧—較好的糧需要三百多元，但可食個多月
注意一點﹕貓沙盆適宜放在一些較靜的地方，而貓糧和貓沙的位置最好距離遠一點。
5. 貓睡覺的地方，雖然貓會自己再找地方，但先準備一個地方是牠的天地較好
6. 貓的出街袋，一來方便接貓貓，二來方便帶貓貓去打針和絕育等。亦是幾十至幾百。

貓食物碗(非膠類較好，因膠兜易令貓貓下巴生「黑頭」)、水兜、玩具…這些未必一定要到寵物店購買，可以使用你喜歡的兜也可。不過要注意最好是下盤較穩健的，否則貓貓很易打翻。

至於籠，則視乎你個人需要而決定是否購買，因為兩三個月的貓貓可以不用困籠。

洗耳水、防蝨用品、沖涼液，貓小食可以於你真的養貓後再慢慢搜集資料。

如果是diy的貓網，可以買一些格子的網用索帶綁在窗花上(最便宜及簡單)。不過你沒有窗花，我不太清楚這情況可以怎樣自製。但蚊網如果是堅韌的其實也可