德國留學問題

你好.我而家就o係德國讀緊書.我希望可以幫到你.

由香港到德國讀大學係唔係好難?
-老實講,其實唔係好難. 基本上無論university或者FH, 即使你報個course係用英文教, 佢地都會要求你有100hrs或者咁上下嘅德語學習小時.不過, 如果你讀嘅係英文course,只要你有文件證明你讀過100hrs德文,你係咪真係識就無咩所謂.當然如果係德文授課嘅course就唔同啦.

讀德國的大學是否很難畢業?
-其實好睇你個人.不過德國大學嘅workload都唔細,要有心理準備. 但係基本上以香港中七學生嘅能力,要繼續o係德國升學應該唔成問題.不過邊度都一樣,想畢業就唔該努力.

據聞德國的大學ge學士課程要讀5-7先可以讀完，係唔係真ga?
-係,有可能.不過睇你讀嘅係咩嘢.一般BWL diploma 只係要讀3年至3年半. bachelor都係咁上下時間.而且如果你唔打算留o係德國,我建議你讀bachelor.

係德國讀大學的費用會否好高?大概多少?
-呵,呢個正.直至05年,德國都係免學費嘅.不過,而家開始要交喇,額每個州唔同.不過最多只係500-600歐羅一個sem. 1200EUR鬆d一年. 其實,你慳d洗,生活開支都唔會好高.

我係讀文科ge，外加一科經濟。但感覺上德國好似主要係機械為主。咁其實德國會唔會無適合文科生讀ge野?
-我都係. 之前o係香港純文加科經濟.你放心,德果好多嘢都o岩你讀.有BBA,有International courses,有culture and language courses.

其實我對圖書館學、博物館管理、文化設施(如文化中心)管理呢類專業好有興趣。我知道香港應該無此類課程提供，要外國先有。咁德國有沒有此類課程?
-有.不過唔係個個州都有.

另外，德國係唔係有d大學有提供用英文的international course，定係全部都係用德文授課?
-係.有好多大學都有international course係用英文教嘅.不過,你又要搵, 如果你想讀你理想果d科(圖書館學、博物館管理、文化設施)仲要有英文教, 可能難少少.不過都係要搵過至知.

到德國讀大學，在正式入大學前，是否需要讀先修班、德文班或類似 ge course?
若是要，詳情如何?
-拿,只要你有高中程度,要接住一路o係德國讀大學係無咩問題嘅.不過德文呢個就煩d.因為你要有交證明俾間學校批.
你可以一係o係香港歌德讀, 一係去德國一d叫volkshochschule 嘅語言學校讀.3個月intensive course,6千幾港幣,仲可以俾你入學前預先熟習下周圍環境.

有咩問題可以直接send email問我.
以前自己好辛苦先攪到,唔想你行咁多冤枉路.

我唔係太同意上面o個位既講法, 以我所知, 好多course都係用德文, 唔係英文, 但係而家德國政府想搞多d international d既course 卑海外學生讀. 所以你可以去以下網址睇下, 裏面有詳細資料邊間有乜科同有冇international bachelor 既programme讀:

http://www.daad.de/deutschland/index.en.html

如果你唔係lum住係o個度長住或做野, 我建議你讀bachelor, 唔好跟德國人讀magister 或diplom. 因為第時你帶個學歷返黎, 會方便d.

如果你跟德國人讀佢地d course,你一定要修德文. 如果唔係你點上堂?! 尤其你讀文科, 要寫文, 冇番甘上下德文, 點羅高分?!