火車票問題

在 中國旅行社 買得到的 廣州-昆明 火車票只有K365一個班次，14:13由廣州站開出，第二日16:03到昆明，全程25小時50分鐘。其實，我自己覺得呢個班火車有好、有唔好啦，好係好在唔洗一大早上廣州，你開以係香港九點十點先出門口都得，但距唔好在於到達昆明時都已經16:03，甘你又要出閘，又要坐車去酒店，搞好晒都差不多可以食晚飯喇訓、睡覺，甘又要多一晚酒店錢，而且一前一後都用左2日假期喇！

其實，廣州直達昆明的火車仲有另外一班，K230，07:31在廣州東站開出，第二日08:06到達昆明，全程24小時35分鐘。不過，呢班火車又係有好，有唔好。好係好在第二日一大早就已經到達昆明，去埋酒店check-in後，都可能未夠十點，有足一日玩下。但係唔好的地方係呢班火車，係廣州東站開得太早喇，當天係香港跟本未可能上到去，甘就要提前半天上定廣州，甘又住俾多一晚酒店錢啦，除非有親友住係廣州，而且又近火車東站。甘樣一前一後就會無左1.5天！但呢班火車係中旅社係無得買票既，會比較麻煩！

至於話係中旅社買火車票係會貴d呢個講法，係要睇下你買咩火車票而定的。
如果係買由廣州、深圳出發的火車票，唔會貴好多，一般係20元左右。但如果買由其他地方返回廣州、深圳的火車票就會貴成15-300元左右喇，因為係異地票。
好似我上次北京，都係在中旅社買晒來回火車票，去程由深圳出發，軟卧都係750元，比在深圳火車站買貴左20元左右，但回程的火車票就貴喇，要成950元，比在北京火車站買貴左200元左右。但都無辦法喇，因為回程的票要係北京先可以買到，連廣州、深圳都唔可以買到，而我地又怕到左北京先買，會買唔到，所以只要明益中旅行啦。

以上資料太長喇，但都希望幫到你啦，呀，提多你少少野，要留意購買的火車票，是廣州東站定係廣州站呀，如果到左炎車站先發現，就好麻煩喇！但有呀，在大陸坐長途的火車，就算上左火車，張火車票先奇唔好唔見左呀，因為出站時，距地會再一次驗票架，如果無左，甘你就要買多一次喇！

中旅可以买，不过贵很多。
如果有时间，或有朋友过深圳，可以火车站买，提前十几天都可以买到。

2007-06-27 10:36:44 補充：
我上次从深圳去桂林的火车票就是在香港中旅买，贵了80蚊一张票！桂林还没昆明远。