有冇人受智佳學業輔導中心所欺騙??

本人曾於2006/11左右被一個自稱自己為家訪老師受騙,佢指名是義務性質的學業輔導,但其後佢又收左我$100

佢話自己係由政府派來,抽樣抽到為家庭作學業輔導,可提供電話問功課,仲話每個月會以郵寄方式把功課和練習給予學生,故收費$100(之後只寄左份好廢既note!!)

佢姓“關”,名“x陽”(好似係),自稱實習老師,女大學生,個樣就30幾歲lor,不斷強調:”我地班老師係義務架,個個都係大學生,係準備出黎教書果d”,係咁晒佢d英文,不斷強調: 至緊要你地要問ja,,最緊要你地要主動;要active and flexible

之後,我上網發現之前有相似的受害個案,本來想報警,但我亞媽話算,所以最終咩都冇做

近幾個月上網發現又有人受騙,實心有不憤,本想到消委會投訴,但又驚事隔太耐,唔會受理,故想問下有冇人亦受害, 希望大家可以起來發言,以引起社會各界關注,提高市民意識,最好把嗰個什麼”關x陽”繩之以法,避免再有人受害!!

ps:好似有人真係去左投訴,仲出左報紙,有版係講智佳學業輔導中心行騙?!