燒肉切雞湯米

燒肉切雞湯米當然好食!!! 切雞係用正嘅貴妃雞嚟做的。而燒肉係採用上等脆皮燒豬肉做配料。米粉係用一等一上等米粉煮。

三樣餸缺一不可。三個餸配合一齊，簡真係珍饈百味咁好味。

唔好少睇材料好似好簡單咁。其實，好多時，簡單中又有啲不平凡。中間啲化學作用，令到一碗野，價錢平得嚟又好味到非筆墨所能形容架~~~

嗱，連點煮，煮幾耐，都係一大門學問喎。唔係睇少呢門功夫呀。往往一味餸嘅上中下品就係睇下你點present呢味餸嘅。點煮呀? 哦，好簡單啫。

首先，上面講咗啦，雞係要用一等一最靚嘅貴妃雞。最好建議用清遠嘅走地雞兩歲就fit晒啦。唔係講笑架，兩歲咁啱去到成年呢個階段，啲肉就啱啱發展到成熟。如果啲雞太老，啲肉就會諧，唔好食的。跟住喺煮嘅過程裏面，要用方太教的方法去煮上湯，係五碗上湯，煮成一碗，醃住隻雞。另外，仲要準備五斤橙加五斤蘋果，搞碎，load入一大桶。煞後，攞住個桶，去廁所倒咗佢。(呢句講笑啫，hehe，係唔係講下笑都唔得先~)

燒肉要用啲半肥瘦的，唔好太肥，唔好太瘦。d肉汁喺佢仲烤緊嘅時候爆晒出嚟。但係又要留番多少脂肪，食落去成舊豬肉香滑肥味，肉汁磞湃。而你有睇過食神，就知道漿爆牛丸啲汁點爆出嚟。要脂肪比例啱啱好，fit晒嘅。

呢兩樣餸唔好擺入去碗野到，如果唔係會淋晒的。唔好睇小呢個步驟喎，若果燒肉淋咗的話，個燒豬皮會固然無咁好食，而且，會發放一個化學物質出嚟。呢個化學物質本身唔會有害身體，但係會同隻貴妃雞產生化學作用(chemical reaction)。喺化學作用之中，產生出一種我地叫做嘅味覺元素，叫三砵兩酮亞硝酸鹽。呢種食落都唔會有害身體的，但係會令到成碗米粉有陣味。總括而言，頭先講咗咁多，簡單啲嚟講，碗湯米其實只係up up up咗一陣啫。無乜野嘅。放心食啦。

碗米粉要過冷水先，最好維持喺15度。因為太凍啲米粉會過硬。太熱的米粉就會分解。有樣野，消費者一定要留意。千祈唔好買嗰啲大陸嘅有毒米粉。不過，聽講啲有毒米粉都唔錯嘅，幾彈牙，唔怕死嘅朋友，不妨試下，死咗唔關我事。

整體嚟講，其實你去邊一間茶餐廳都會食到一碗唔錯嘅燒肉切雞湯米。做人唔好咁yim 尖。食得咪算囉，我都係up下啫。