香港國際機場返澳門最快ｇｅ路？？

假設你在香港國際機場的客運大樓出發，
1. 乘機場快線往香港站，時間23分鐘，車費100元
2. 在香港站，機場快線轉地鐵，約10分鐘
3. 由香港站乘車至上環站，時間約花15分鐘(連由香港站步行至中環站)，車費$0
4. 在港澳碼頭乘直升機至澳門，機程20分鐘，貴用$1500
如果你在位置是剛剛下機，未入境，你可以乘噴射飛航往澳門，船程約40分鐘，費用約200元‧

視乎你落機既時候幾點?同埋有冇寄艙行李?揸乜野身份證?

如果你落機咁岩可以坐到機場船(即係剛剛響開船前一個鐘去到海天客運個counter買到飛),又冇寄艙行李(坐機場船最衰就係去到澳門要等攞行李,攞行李好彩既話,最快半個鐘,有機會要等個半鐘有多),咁樣,坐機場船應該係最快既(雖然等船至少要等一個鐘),但係船程比上環去澳門慳左廿幾分鐘,又慳返機場去上環交通時間(最快都要廿幾分鐘),機場等行李時間,機場過移民局時間(如果唔係香港身份證,分分鐘等廿分鐘以上),去到上環買飛到開船又要起碼15分鐘.

如果時間唔岩,機場船要得好耐,咁就去上環啦.

去上環最快係坐的士(預約的士,三百蚊唔使就可以去到),最快廿幾分鐘.

唔好坐機鐵轉地鐵,機鐵唔計等車,都要坐廿五分鐘(又要$100),去到香港站行去中環站又要十分鐘,再入中環站,入閘,等車,坐車,出閘都要時間,去到上環站,又要行多五分鐘先去到信德中心,轉來轉去不如響香港站跑去信德中心仲快.

坐A11巴士都OK既($40車費,平過的士好多,因為機場去到信德中心得幾個站,唔會耐過坐的士好多,大約四十分鐘~四十五分鐘車程).

至於去到上環,要坐船定坐直升機就自己決定啦(坐直升機可以慳到四十分鐘,但係就貴十幾倍).唔明點解人地會教你坐直升機,用多千幾蚊慳返四十分鐘,又教你坐機鐵轉地鐵都唔坐的士,慳返一兩百蚊,用多唔知幾多時間.

2007-06-26 15:38:07 補充：
信德中心坐船,繁忙時間15分一班.直升機班次就疏好多啦.最密都要30分鐘一班(除左星期五同星期六加多一班18:15),票價$1,900

最快係直接由機場轉搭噴射船往澳門. 航程只需 50 分鐘. 但一日得幾班船. 要睇下你到左香港既時間岩唔岩喎. 網址如下:--
http://www.hongkongairport.com/CBT/Itinerary?actionType=list&locale=chi&locType=t&locCode=MCU
另一方法係搭機場巴士 A11. 由開車起計約35分鐘到港澳碼頭門口. 之後再轉船往澳門 lor. A11 路線網址如下:--
http://www.citybus.com.hk/chi/RouSer/RouteSearch/busroute_info.asp?route=A11&routetype=D&company=5
最後係搭機鐵. 亦都係最貴. 其實計落同搭 A11 差唔多. 因到達左香港站之後, 仲要步行往信德 ka ma. 個度都去左15分鐘. 如搭的士, 又太近; 比的士佬鬧 ka. 而且都唔順路, 要兜少少路的.