養魚問題，唔該入黎

１．你唔知紅蓮燈有冇病，只係見佢喱埋淡色，用藥水未必有用喎。其實燈魚係群居o既，得一條可能會緊張，狀態差都唔奇。淡色可以係受驚或唔舒服o既表徵。至於係咪冇力游就難講啦，佢唔想／敢游出o黎都得架o者。你個缸有ｄ乜野魚架？會唔會嚇都佢唔敢出o黎先？
２．魚呢家野，有乜食乜，早排係咁落雨大把飛蟻，我捉o黎丟落缸，ｄ魚（燈魚咋，唔係大魚）搶住食啦。如果你有錢，可以豪ｄ餵豐年蝦o既都無妨，好營養添。
３．你有濾水器，係乜野濾水器先？如果係頂濾／掛濾都ｏｋ，因為水會o係空氣留動沖刷，令空氣溶入水中。但如果係濾桶，就要用雨淋管打落水面先有呢個效果。另外，阿伯父係咪以為空氣係白粉呢？定係想好似奧運選手高原集訓咁練ｄ魚呀？重點係要夠氧氣！重申，頂濾／掛濾都可以唔用氣泵。
４．魚缸放係電視側邊，你都成日o係電視前啦。如果魚有事，睇幾十年電視o個ｄ人死哂啦。我只會諗多塵或者熱ｄo者。

波子魚也會吃豐年蝦，但消化就不太好，餵紅蟲和人工飼料就最好，而你說你條紅連燈喱在濾水器，可能你是不是新買回來，也可能患了鰓病。如果冇了氣泵，Ｄ魚都唔會K.O可能會不太適應，你落些「定水靈」就可以。