我想養魚....有什麼魚最易養

Hi, 你話好想養魚, 但, 養D魚養極都有事, 就問有什麼魚最易養! 你知否你的問題在那裡呢?
朋友, 如果你很想養魚, 你應該問怎樣才能養好D魚, 因為不論什麼魚是否易養, 總要用個設備好的魚缸和適合D魚生存的水, 那才能開心的養好牠們呢.
你應該注意番你的魚缸, 不知有幾大? 有冇過濾器 ?(簡單配合魚缸的外掛式, 內加炭包在底, 上加白色過濾棉, 這是最基本的) 另外, 大小缸也需要暖管, 因香港天氣溫差大, 一冷一熱(常相差三,四度, D魚就容易病和死) , 燈光(一天照十至十二小時)...大(18吋以上) 和高度15吋的缸, 最好有氣泵幫肋增氧 .
水---魚的生命之源--- 先要用有濾水設備的水喉水, 用水桶裝上至少一天, 讓氯氣化去, 我會加一種粗黃鹽 (魚店有買--幼的黃鹽消毒剎菌不大好) 入水中, 一桶6公升水,約一茶匙, 可以剎菌, 消毒除氯氣, 可以不用落其他什麼劑了. 以後也要常備用水, 隔五至七天要換1/4水(不能換太多,水質會不好), 用番魚水來洗過濾棉. 新買的魚用品可用粗黃鹽洗下,消毒.
你仲好想養好魚? 我建議你現在消毒下魚缸(用粗黃鹽加清水洗), 養好水(放全缸加有粗黃鹽的水,開動過濾器, 等兩三天, 你就可以買魚養了.
養什麼魚...去太子金魚街(即通菜街) 買D二十元五,六條的魚仔來養下先啦, 我有一條金雀, 養了年半了,有五吋長, 也是這些袋袋魚養出來的, 擇些生猛D的, (即你用手指輕輕在袋邊向D魚搖下, 牠們會游開, 有大反應的) , 你要預定會有死的, 但不會全部, 若養一兩天就全部死亡, 即你的缸設備有問題或仍有菌,要再養過缸.
我個人喜愛養金雀, 橙色, 易養,長大後形態優美,但惡死,會打架, 可與非洲小王子(黃色), 藍班馬 共養.這些都易養, 溫和的有金完寶, 四間等, 都是我養過的,也易養.
經驗是要累積的, 希望你會成功養好魚.

水無問題, 養甚麼魚都唔易死!
唔好介意, 其實你應選擇想養甚麼魚,
然後問人此類魚怎樣養, 要留意的地方是甚麼,
這樣養魚才會養得開心!!

最好養d冷水魚(金魚)or熱帶魚,唔好養海水魚(好鬼難養)

冷水魚(金魚):草金魚(一般,冇奇怪的金魚),五花燕尾(表面有花,帶珍珠光彩的草金魚)和彗星
(魚鰭較長,體型較瘦長,尖尾)較易養。


熱帶魚:斑馬,孔雀,劍尾魚和米奇較為易養。

不過都要你D設備好先得。

我現在養的什魚苗,在魚檔用$5一袋,等它自己生存,余下少數,再賣一袋,等它漸漸地長大,所費不多.

要易養就非鬥魚莫屬。
一來佢地可以直接由空氣吸氧氣，二來體格強健，對水質容忍力強，單睇魚鋪用個四方盒裝住都可以，就知佢地幾捱得；只要有ｄ草，佢地甚至可以繁殖。三日換三份一至一半水即可。
當然，佢地捱得唔代表你要佢地捱，基本養魚設備如濾水器、氣泵一定係有好過冇，但鬥魚o既頑強生命力，只係令呢ｄ野唔係必須咁解，你有的話佢地當然健康開心ｄ。

跟據我的養魚經驗～

如果養ｄ靚魚例如好多色彩那些係好易死．．．例如月光魚，彩鳳魚等等．．
可能ｄ水唔適合佢地～呢ｄ魚好麻煩．．水溫要岩之餘～成日換水都會易死．，．最好仲要搵岩佢既水草比佢．．又易有菌～一隻有菌又傳染埋一隻！所以．．唔識養會好易死～

有種魚壽命會長ｄ．．例如金魚同神仙魚！
佢地身體無其他魚咁敏感，咁易受水溫影響．．所以長遠計養呢隻魚幾好～但就冇咁靚羅！

孔雀魚
好易養......有事可能係d水 有d問題