生日前佢問我想要咩做禮物 {其實我想買條金手鏈俾好耐,但太貴,唔捨得買}
但 我答佢無 ... {因為金價真係好貴 , 我都唔打算出聲話好想要!!}
之後佢話 諗到買咩俾我 , 係一個我曾經話好鍾意既袋{$3xxx}
點知 之後佢再講 ... 佢唔想用咁多錢 , 話自己想儲錢....
我奇怪 我想問大家
1. 如果你情人生日 你會係買佢鍾意既野俾佢丫{係你有能力買到的} 定係 你會計好條數 之後bu出果個月多餘既錢黎買呢?
2. 睇完上文 你地覺得 佢對我係咪愛得不夠呢{我唔係以錢黎做衡量}
3. 如果發生係你同你情人身上 你又會點呢
更新1:
加一些有關我同佢既資料 我: 每月可自用用金額 2000{無信用卡} 揮霍度 超過1000既物品係唔會買俾自己的 佢 每月可用金額 5000{有信用卡} 揮霍度 見到鍾意的就買 過5000的就以分期付款月供
更新2:
以下是我聽完佢講既野之後諗的 1. 平時佢生日,情人節或什麼應要送禮物既日子 , 我會買佢鍾意既野俾佢 , 價錢 由500 ~ 2500 不等... 2. 如果果個月我冇咁多錢 而之前又冇儲定 我會係問家人借左先 , 再慢慢分期還...原因其實好簡單 我只係想佢收到禮物時開心 3. 你有信用卡 如果真係想買 唔會係冇能力買囉 4. 究竟你係咪對我愛得不夠? 5. 我係唔係貪錢 { 答案 真係睇完上文都有架啦 } 我並不是貪佢的錢!
更新3:
睇完頭8個答案 ... 我想補充返多小小野... 1.) 每次送俾佢的 都是佢出聲要求的 在節日/生日前半個月至2個月提出 2.) 每次節日前 我都是儲定錢多的 , 只是有時佢俾得半個月時間我 我儲唔切 3.) 每次佢講完佢要既野 , 之後就會間中提下/係我出街時sms提出叫我即買 其實每次送禮前後 我都會諗送完野俾佢就分手囉, 因為...佢俾我感覺似呃錢 而我亦曾俾ex呃過好多錢 所以 我會有d驚左
更新4:
其實我都認同你地講既 依d唔係用錢去衡量 ... 亦唔係要佢簽爆信用卡黎氹我開心 但 ... 坦白說 果刻聽到佢所講的 真係 有唔開心囉 唔開心唔係冇果個袋 , 因為我自己都唔會捨得買 , 唔開心既係 ... 佢俾我覺得 用係我到係唔值咁既意思多囉
