Can u help me?係關於我媽既！

你而家仲細....你爸爸媽咪仲有好多野你係唔知....例如你爸爸係米真係得3千幾都冇都唔知係米.....或者佢做野壓力大....係出邊受過幾多氣你都唔知....

佢比咁少錢你可能佢驚你亂洗錢.....或者想儲定d錢比你第時讀書....又或者佢地ge經濟情況未必係你想像中咁好....

另外你要諗下自己係米好好先.......如果你成日激佢....又亂洗錢....咁佢對你緊係嚴d啦

我好同情你既處境！！！

細個果陣我阿媽都有一段時間係咁，當時我真係愛莫能助，好唔想佢咁樣、好怕佢，但係佢始終係阿媽，好矛盾，一方面好唔鍾意佢咁，其實心裡面當然係好唔捨得佢變成咁，好想幫佢，但自己又年紀太細唔識得分析d咩，想幫都幫唔到…

其實發生左d咁既問題，相信一定係同佢工作環境有關，應該係佢有太大壓力了，到左佢控制唔到自己既程度，連佢自己都可能唔知道佢自己係變得幾咁"得人驚"…

的確，如果正面d諗，去睇精神科當然係一個解決辦法，但係你話佢仲係一個有工返緊既人，我相信一般人都唔會願意去睇精神科囉，仲要係由屋企人叫去，換轉係其他人都未必接受得到。

我相信屋企人既關心同愛可以解決到你既問題：你試下搵日等佢好得閒時，你平心靜氣同佢傾下計，傾你自己d野都得、關心下佢工作辛唔辛苦，等佢feel到佢係要珍惜佢現有既屋企人 (如果你年紀細佢可能未必同你講佢工作上既野，咁就要靠你另外既屋企人啦，你要搵一個可信而又有一定地位既屋企人，同佢講左你既感受，等佢諗下佢點幫你、點幫你阿媽！)

佢shopping都係佢其中一種發洩情緒既方法；你話d $$有用唔晒咁多，其實大人既用錢方法並唔係如你想像中咁咁簡單架！佢地可能要供樓，供幾多就視乎你地依家住緊果度既樓價係幾多、供幾多年；佢地亦有可能參與左一d投資，即係股票呀、基金呀等等，佢地可能月供幾千，至幾萬架！！

或者要到當事人自己遇到某d事，真真正正咁諗通喇，可能需要一段唔短既時間………不過如果你仲愛佢既，我諗你可以等佢丫！但係你真係唔好串佢，雖然你會好辛苦，但係你串佢，只會比到機會佢發洩：打人or鬧人呢d少不免架啦。你要忍，佢講唔岩你都要覺得岩，唔可以串返佢。你敷衍佢咁就係最好既處理方法，唔好同佢有正面衝突。

睇完你所講，覺得你阿媽又真係幾難頂，但，亦好羨慕佢囉﹗咁幸福，差唔多係自己搵自己使，仲可以洗埋老公果份﹗不過，首先想問，你爸爸佢自己點諗﹖佢甘於俾晒啲錢出黎﹖佢同你媽媽關係好唔好﹖其實，我好替你開心，因為你爸爸係一個好盡責既父親，雖然媽媽脾氣咁怪，佢都無離棄佢，亦無離棄你，呢樣已經好值得你高興。如果佢地成日為錢而嘈，相信你更加無好日子過。你而家仲細，唔知道返工有好大壓力，我諗你媽媽有咁高人工，工作壓力都唔會少。所以，從另一角度去睇，佢…「無理取鬧! 無理打人！成日發脾氣(無理)！(無理)又煩又嘈！一句野講好多次, 日日都係果D；自己就咩都得, 人地就咩都唔得！ 獨裁者！唔理人感受, 淨理自己, 唔尊重其他人；佢串人就得, 人地唔串得佢, 串佢就比佢打」。種種蹟象都顯示出佢有好大壓力，或者佢真係有精神病，就好似人地所講既「焦慮症」、「狂燥症」。

以我愚見，我反而覺得你應該體諒佢，試下同佢傾，問下佢係咪工作好辛苦﹙或者佢唔會理你，仲會鬧你多事﹚，又試下唔使佢出聲，都做啲佢想做既野，例如﹕俾杯水佢飲、幫佢按摩、同佢講下學校既野﹙仲可以間接地講下自己感受，又可以彈句唔夠使，食野貴到死，咩又貴…﹚，等佢了解你多啲，可能各有各忙，大家都無時間坐低傾下，所以關係疏離。有今日既情況，都可能係咁咋﹗

真係架，佢可能覺得無人會了解佢，如果你可以同佢傾下，等佢有機會訴苦，我諗，佢慢慢會好。試下啦，佢係你媽媽，唔會唔錫你，只係佢自己都控制唔到，即係有病自己都唔知。對佢好啲啦，唔係，你第時就會後悔。

無理取鬧語句似曾相識.
閣下好似講緊(突軀亞爺)的管治手法.鬼叫我地是做細咩, 寄人籬下.
算啦, 要忍忍忍忍忍忍忍忍忍. 逆來順受, 亞爺出得聲多都會口渴口赲啦.
想想明天一定會更好. 今天自強不息, 自我增值. 日後自己有料時再玩玩爭.

我唔明你daddy點解會要個咁既人在自己身邊? 月入不少於六萬, 喺邊個搵咖?
若然喺你daddy, 咁點解佢會俾晒個女人, 連自己都無乜得用呀? 咁你應該問吓你
daddy, 究竟佢有乜吸引力? 可以令到佢就豐衣足食, 你同dad就爛身爛世咁?
如果 ~ 一切喺你dad自願奉獻, 你都無乜嘢講, 為有努力讀好書, 自己搬出去住,
無眼睇呢個只識罵人同shopping既人, 呢條就係你既出路, 俾心機 捱多兩年囉!

得一個原因可以解釋到....
就係你唔係佢親生的

你個媽咪非常自私自利是獨裁者，只愛自己不利人感受，你都好慘，你為有努力做人，要有出人頭地的日子，路住你先可以逃出魔掌，之後先有好好享受人生過好日子！祝您好運！
圖片參考：http://hk.yimg.com/i/icon/16/1.gif

記然係關於家庭嘅事, 其實我都唔應該答.

不過你所描述嘅人, 都好似一般女士. 所以只好講一句: 愛莫能助!!