用dc(canon ixus 65)可唔可以影到前面既物件清, 後面既矇?

這個問題在攝影界可以稱為月經題,每月最小出現一次,其實叫週經題也不為過.
要前清後矇不外乎幾個技巧,大光圈,長焦距,近對焦距離同埋一個夠遠既背景.
Canon ixus 65最遠實際焦距只有17.4 mm,而且zoom盡光圈只有f4.9.頭兩項已經出局,背景亦未必控制得到,而且嗰個所謂遠可能係對面海都唔夠遠,剩翻縮短對焦距離一招.
呢招亦係好多人自欺欺人既得意技巧,就係影微距,基本上轉去微距模式,搵件細物件用full auto影,只要物件唔係貼實背景,都一定可以影到淺景深效果.問題係你會唔會想影大物件例如人咁都要有淺景深效果啫,你好小會淨係影隻眼,影個鼻呱.