清熱酷有咩功效架

便秘?有痔瘡?"清熱酷"除咗清熱之外嘅功效..

唔知大家有冇試過一隻叫"清熱酷"嘅沖劑?我個人覺得"清熱酷"除咗清熱了得之外,佢仲有一種幾得我歡心嘅功效,就係消暗瘡/收痔瘡,同埋通便喇!

我本人一直都有痔瘡問題嘅困擾,而家仲要等明天見完醫生先知幾時排期做手術,所以便秘同埋谷痔瘡呢樣嘢我就十分有經驗,(因為成日發生喺我身上嘛!)

話說有次我俾喺藥房門口個sales sell我試吓,咁我自己知自己事,清熱嘅嘢我都唔怕買嚟試吓嘅...咁我咪買一盒番屋企,之後就咁擺埋一邊都冇理到,因為我平時會靠食消炎藥同埋飲吓涼茶或者"崩大碗"咁嚟抑制住我嘅痔瘡問題,都okay嘅,只要咪食d熱氣嘢囉,如果食m記嘅薯條就大鑊喇,食咩消炎藥再飲咩"崩大碗"都冇用,起碼谷 3~4日,呢3~4日半邊pat pat腫晒你都咪話唔辛苦呀!

入正題~就係有次忍唔喥口又食咗成包m記嘅薯條,咁第二日發作嗰陣梗係痛到想死咁,於是又如常咁食消炎藥同落街飲"崩大碗"啦,但係我講過呢個方法係ok, 但係都起碼痛3~4日嘛,咁我就諗起屋企有盒"清熱酷"喇,一盒4包,沖咗一包,無氣嘅(好似果汁咁,唔同"以羅"),飲落去,無咩嘢,唔難飲,飲完之後覺得個喉嚨幾舒服...2~3個鐘頭後有d想疴臭臭嘅感覺,好舒暢,冇肚疴,過咗一陣之後d熱氣好似之前俾自己疴埋出嚟咁,不知不覺個pat pat已經消腫唔痛喇!好神奇咁,後尾我每次去唔出厠所或者谷痔瘡我都會飲佢,(o聽講佢入面仲加咗維他命c添,不過唔好理佢喇..)最緊要嘅係佢嘅"超級"清熱功效嘛!!!

可以清熱氣...味道可以家...