點先可以說服佢?????

你其實應該問清楚佢唔同你結婚既原因。
問左之後，睇下個問題可唔可以２個人努力去解決。

另外，其實生bb唔等於會身材走樣，
我有個朋友佢生左bb之後反而無左d水腫，
身形苗條過以前（無去做減肥）

仲有個方法係你同佢父母傾下，
不過最重點係你本身有冇經濟能力照顧你女友同bb，
如果有，你先好同你女友父母提出呢個問題。

如果你地雙方都無經濟能力，
我諗對於照顧個bb有好大問題。

anyway，希望我既回答幫到你。

首先你要知道佢愛唔愛你,
如果你地之間感情唔好,
好影響下一代!
如果愛既佢可以為庶付出任何野,
走樣係小事,
而有有錢想點纖都得,
可以比未生前更fit,
只你在於大家感情去到lee個地步未?
生bb係要好大付出, 耐性!
同埋責任好大!
大家定性未?

身材走樣唔可以去減肥嘅咩??
點解佢要因為d咁無謂嘅嘢而放棄一條小生命呀?
如果佢係咁嘅話,,
我覺得你冇必要同佢一齊囉~
佢唔肯生仔姐係佢愛得你唔夠深!!

如果佢係因為身材, 即係佢因為貪靚所以唔生的話, 你可以同佢講, 落仔好傷身, 落一次等於生3次, 身體會老化得快d, 當然包括皮膚啦, 佢都唔想早幾年出皺紋掛. 真架, 唔信可以問醫生.
仲有你可以儲定錢俾佢join d減肥計劃架嘛, o個d仲可以幫佢收靚埋個型, 可能仲好過依家添.
但係老實講, 我以女人角度睇.........佢可能因為唔係咁鍾意你先唔肯同你結, 如果唔係冇埋由見到一個自己鍾意既人跪自己成粒鐘都冇反應(li個只係我個人感想, 冇話你女友唔o岩既意思, 請見諒!)

你可以問佢究竟愛唔愛你...(1:愛你)(2:唔愛你)
1:愛你)..你可以同佢講﹕「如果你愛我,就吾好落個仔,你有左BB,我要負責任...加上身材走左樣,我可俾錢你去纖體囉!你去落仔好危險架~我會好擔心你架!你嫁俾我吖~我永遠都咁愛你架」
2:唔愛你)..佢為左身材唔走樣,唔同你結婚,仲落埋你地嘅愛情結晶品?有冇過份左D呀?!咁嘅人..都唔荒愛得你去邊la...你好好唸清楚ar!仲有ar~下次唔好婚前性行為la~好大濟架!!
希望我可以幫到你la~加油ar!!!

你不如試下好好地同佢傾下,,都要明白佢除左唔想身材走樣仲有咩問題...再好好對症下藥!!!

咁你搵個第二個啦...佢呢世都唔會用你生仔架啦!!