銀狐 , 小紫王&小灰霸........(１Ｏ點)

1.三揀一唻講,我覺得小紫王較好,但最好買一隻獨立咁養,多過一隻係會打交既
小紫王唔會特別易死,當然係有適當既照顧啦

2.雖然佢地都係同一品種,但以我經驗同聽其他人講,就覺得小灰霸係當中較惡,銀弧就一般
好動同乖要睇情況,隻隻鼠唔同,有d鼠較細膽,就會用咬人去保護自己,就好似好恐咁啦
其實唔去勉強鼠鼠,俾d耐性去對鼠鼠,鼠鼠同你熟之後,就自然會乖.要體諒鼠鼠咁細隻,你咁大個,佢驚你係好正常,就好似大你咁多既動物抱起你既話,你都一定好驚吧?懂得體諒鼠鼠同對待鼠鼠,鼠鼠就好易接受你架啦

3.你係問鼠籠可以幾大?你就咁講龜缸都好難知係幾大,龜缸都可大可小
籠最好買鼠鼠專用既籠,主要有空間俾鼠鼠行下,又有齊以下物品就基本上都ok,市面都有好多籠,你可以依自己喜好去揀,但最緊要係安全
墊材(木糠之類),水樽食物盆及食物,磨牙物品,轉輪,屋仔

4.倉鼠需要既野都唔要,物品同處理方法如下:
1)鼠籠($100~數百都有)
要揀一d地板係冇一間間既,因為一間間既地板好易會卡住鼠鼠,我細個時就係因為咁而有隻鼠因為咁而死.鼠鼠好多都會咬籠,如果怕佢地成日咬,可以買一d較密封既籠.
2)水樽
多數籠都包埋,每次換水時必須用手試下係咪出到水.
3)沖涼粉($30)
有分普通同藥性,買藥性都ok,但記得唔好成日沖涼,一星期1-2次,唔可以用水沖涼.
4)磨牙石($10)
唔磨牙會死既,所以一定要有,普通既同鹽磚都ok,如果鼠鼠唔咬,就最好買d木制玩具俾鼠鼠咬,唔係隻隻鼠都會咬特定既野,因為佢地唔知樣物件係點用既.
5)轉輪(較大$30~55)
都係多數籠會包埋,但都要留意唔好係一間間會卡鼠腳既,唔係都會好危險.鼠鼠好需要活動,而大多喜歡轉輪,所以都係必需品.
倉鼠係夜晚活動,日頭訓覺,怕嘈既話可以用一d安靜既轉輪,又可以搽d牛油落去個軸度,當然咁整要成日洗下個轉啦. 咬籠嘈既你就訓練下佢,佢咬既時候鬧下佢(最緊要係個態度,佢唔明你講咩架),或者唔理佢,佢唔咬就俾少少野食佢食(主糧度俾一粒佢已經足夠)
6)鼠糧($20~30)
買一包咩都有d既混合主糧就可以,唔需要買零食,我個人經驗係愈少雜食,鼠鼠身體愈健康,可以去到年老都冇病.唔好俾鼠鼠食蔬果,因為易肚瀉,又可能有農藥等問題
7)木糠($5~30)
可以既話買d較貴既木糠,因為冇咁碎,碎既木糠易令鼠鼠有呼吸道問題,而有味既木糠就唔好買啦,加埋鼠既排泄物味,係會好臭既,都易令鼠鼠敏感.
8)額外物品(視情況而定)
除左轉輪,鼠鼠玩既玩具最好係鼠鼠專用既木制玩具,因為自己整既木易有刺,可以俾鼠鼠爬唻爬去,鑽唻鑽去既就多數都會玩.
唔好買波波球之類(有d係成架車,車上有個球,類似既玩具),都算係危險既玩具,因為通風做得比較差,而且鼠鼠被困入面,好有壓迫力,想像下你被困一個咁既物品入面,行極都出唔到去有咩感覺?所以我就覺得呢款玩具唔係幾適合鼠鼠玩既.外國都有書本話呢個係危險玩具,不過我就唔記得本書名啦.

平日養鼠要留意既事:
1)每日換水,並檢查水樽係咪真係出到水同會唔會漏水

2)食物要有足夠既份量,多d都唔緊要,鼠鼠係知飽既.最好放多d,多d食物先令鼠鼠有安全感,一般乾糧可以耐d先換

3)糧食方面都要留意好多人既食物都係唔適合鼠鼠既,甚至蔬果我都覺得唔好,原因如下:
a)好多蔬菜都會有農藥,人食既時候整得唔熟都已經有問題,而鼠鼠既體積咁細,極少農藥都會做成問題,所以俾鼠鼠食係好危險既.
b)咁多水份既食物好容易令鼠鼠肚瀉既,肚瀉對鼠鼠唻講係幾嚴重既病,好易會死架.就算毫無農藥成份既蔬菜,都好難控制俾幾多蔬果俾鼠鼠食,好易俾過多,所以唔俾好過.
c)其實人類既食物大多數都唔適合鼠鼠食既,有d食物可能好少份量已經會超出鼠鼠可承受既鹽or糖份,又或會對鼠鼠係太刺激食物等,食得唔健康好易病既.
d)鼠鼠多數鍾意將食物收埋入腮再去安全地方收埋(有時鼠鼠放入腮但都會好似食緊咁),之後再食,新鮮食物咁處理既話會好唔衛生,好易到食物壞左鼠鼠先進食

4)一星期用沖涼粉沖一次涼,真係太熱太臭最多都係兩次,有病先例外.唔好用水同鼠鼠沖涼.

5)一星期大洗籠一次,平日覺污糟都可以打掃一下,鼠鼠多數排泄得好集中,打掃排泄開既位置同佢訓既位置就已經好好多(因為鼠鼠用排泄物去表示呢個係自己地頭,所以訓既地方都會排泄)

6)唔好用有味or有色既木糠,最好買d冇咁碎既.有味既木糠加埋鼠鼠既排泄物係好臭既,有色就可能會甩色,碎既木糠就易影響鼠鼠呼吸道.以甘既都易令鼠鼠敏感.

7)個籠一定要安全,唔會有野整親鼠鼠,唔好用一間間好通風既轉輪同地板,好易卡住鼠鼠隻腳.

8)鼠鼠好叻走佬,留意有冇咩位鼠鼠會走到.

9)鼠鼠怕凍,更怕熱,凍同熱都要為鼠鼠保暖or解暑

10)好緊要既係,平日多d留意鼠鼠既身體同排泄物,有咩異常就可能係有病.

11)鼠鼠既牙係不斷生長,所以要有野俾鼠鼠磨牙,唔磨牙既話,d牙會插穿鼠鼠,令鼠鼠死亡
如果你隻鼠唔咬磨牙石,就可以買一d木制玩具俾佢咬(磨埋爪都得),又或可以試下鹽磚.

12)除左轉輪,鼠鼠玩既玩具最好係鼠鼠專用既木制玩具,因為自己整既木易有刺,可以俾鼠鼠爬唻爬去,鑽唻鑽去既就多數都會玩.

唔知有冇講漏,要留意既野都唔少,以上都係我覺得新手較易出錯既事.

1. 其實小灰霸，銀孤，紫王，布丁鼠都係<加卡利亞>品種既統稱，
該品種大致上有4大毛色，金狐係白色多架，布丁係啡黃色。

2. <加卡利亞>都係最乖又好動 , 兼極少咬人，好易養。

3.<加卡利亞>品種可以大到三吋的，小灰霸、紫王，約$10-20, 銀狐$30-35, 最貴黃金倉 $55-60.

4.倉鼠佢日常最基本需要籠(包水樽,屋仔, 跑輪) $80-150
食物, 每月$50
木糠 or 紙砂 (吸尿用) 約$50 用到一個月

我現在只有三隻鼠鼠。
我每天早上一定會親自餵小鼠吃東西，看看每一隻的情況！
定期清理鼠籠。
所以養鼠前一定要停一停, 諗一諗。

小灰霸好D,勁乖又好動,都唔咬人,有D好細,有D好似龜嘅缸甘大,要$30-40,喜歡Sleep zzz!
起碼要$200.....

1.新手養小紫王會好D！小紫王冇咁惡，但係銀狐同灰霸都OK！
2每隻鼠鼠有唔同GE性格！呢D好難答你架喎！仲要睇你對佢地點！你對佢唔好佢咪會咬你囉！你對佢好佢唔會咬你架喎！除非你隻手有味！
3你唔好買缸啦！買倉鼠籠啦！缸會好熱架！佢地會中暑架！不過你係用缸只要你上面有空氣入到去就得架啦！價錢就睇你睇岩邊隻籠姐！
4.1要水(人飲果D！唔好比水喉水比佢飲)
2糧(通常都係25蚊左右)
3轉轉圈<<玩具！(大約15蚊左右)
4木糠(15蚊左右)
5磨牙石<<比佢磨下牙..UM...3,4蚊左右掛