✔ 最佳答案
如果你用all-in-one(多功能)con藥水,con藥水要浸到載con個case裏面條線至得o架,但係記住藥水唔可以浸太耐,如果真係無戴一排,一定要久不久鉗番對con出o黎,倒晒舊o既藥水,加番o的新con藥水落去
戴con之前最好用con專用o既鹽水沖一沖副con先好戴,乾淨o的
對con唔戴果陣浸o係藥水度,梗係濕啦,唔濕你戴上眼咪乾到嘔,唔舒服囉... 你如果用con專用o既鹽水沖過,都無問題o既
初初戴con,係會緊張少少,戴con之前一定要用梘液洗乾淨隻手先,最好係對住鏡戴,同用沖con o既鹽水將隻con放o係case(放con有兩個蓋果個盒)o既兩個蓋度沖一沖,先用con用嘅鉗由case拎隻con出o黎,將鏡片放o係食指指尖(有人會用中指指尖,仲有有啲鏡片有兩條橫線,係中線,中線同兩邊眼角成一直線,可以穩定隻con o係眼嘅位置),再輕輕力拉起眼皮,後輕輕力將眼肚向下拉(一定要輕力,因為太大力拉眼周圍o既皮膚長遠會令到眼周圍有好多紋o架!),眼儘量向下望同埋儘量唔好眨(初初係好難唔眨眼o架!),再將隻con放o係眼度就得!
初初戴con真係幾難,個人要放鬆o的,唔好咁緊張,要用多少少時間,同埋唔可以戴太長時間,仲有戴con嘅時候不妨帶埋有框眼鏡同洗con藥水出街,萬一有咩唔舒服都可以除番隻con改戴有框眼鏡抖抖嘛!
放心啦,如果再唔放心,可以去配con間舖再問清楚驗光師(or眼鏡舖職員)點戴con,佢o地會好樂意幫你o架!