到底當我係乜o野??

其實你自己都會諗下自己係邊個~???
既然你地唔係男女朋友關係, 所以唔好講佢當你係乜
佢呢D唔係呼之來揮之則去
雖然佢係約左你星期6, 日, 可能佢覺得屋企都係咁重要先會返去姐
你咪體諒下佢囉, 做朋友唔好計較咁多
一個人講過D咩, 我自己覺得唔重要
例如有D人講到自己有幾咁愛你咁, 得把口
對你出做黎既事, 先係真

其實你有無諗過佢點諗你？
靚既女仔，仲要咁多人追喎...
俾著我，我就算鍾意你，都會15，16咁，唔知點做...
一時覺得自己真係好想同你一齊，
一時又覺得自己同人唔夠爭...

如果同屋企人食飯 / 同個自已鍾意既人食飯，
咁緊係同屋企人食飯緊要d 喇
自己屋企人都得罪既話，第時俾屋企人知道自己拍拖咪凍過水？
要拍拖就要過自己+屋企人o個關先喇...

你唔應該咁諗...咩"呼之則來揮之則去,"...
你估佢真係唔想同你食飯？？
如果唔係有事既話，佢都照原定計劃同你食喇...

小姐，男仔都會怕羞，都會驚架
對住自己鍾意既人，你以為個心唔會跳咩？
驚既時候緊係唔講野好過講野喇

你自己唔開心，你又唔同人講，人地點知啊？
你唔好以為女仔既心事真係咁易估先得架..
點解你反而唔諗下佢到底係咪有d 咩事呢？
如果一個人有心事，自然成日諗，之後又無嘜心機咁架喇

其實你咁話佢，你自己咪又係咁唔識得體諒人
你到底有幾了解佢？
你咁樣怨法，其實都唔見得你真係愛佢囉

愛一個人，就會無怨無x 咁付出架喇
你剩係識得諗你自己，
好似自私左d 咁喎

如果我係佢，我都希望搵個識得體諒自己，關心自己既 gf 喇
而唔係日日搵野嘈既gf 囉

你自己諗啦，佢係重視你就唔會咁對你，如果你重想比機會佢，咪問清楚咩事囉，但佢講既係事實定大話，我諗你自己心裏有數，為一個唔重視自己既人攪到自己唔開心為咩呢﹖