BBA今年大概要咩成績先有機會??

JUPAS入面既BBA真係無咩可能入. 就算2C都係幾危險, 因為近呢幾年收生成職愈拉愈高.
就算城大會計LQ都係1B 1C, 理大咁多個BBA相關學系中, 最低平均係10.6. 中大同科大BBA收生成績仲高. 如果會考無廿幾分, 高考無1-2科A(會考高到廿九分以上例外), UE無C都好難入. 港大BBA收生成績就比中大同科大差少少. 但同樣都係收得高. 我相信今年三大以外收生成績有可能再高, 因為好多人放choice既時候以為自己無可能入到三大, 所以唔敢放三大既科. 但到最後出黎成績好好, 造成三大以外商科收生成績愈來愈高既情況.
公大因為第一年加入JUPAS, 所以收生成績唔知.
單憑成績好難知道你可否入樹仁大學, 因為樹仁睇好重面試.

2007-06-24 08:40:18 補充：
單憑成績, 只可以話你有機會入, 但一日未知面試表現如何, 就好難講你有幾大機會入.

OK既，interview時俾D信心自己啦！