好運氣同運氣差是否與性格及人際有關?

運氣..
好似六合彩6個number咁難中..都有人中到...le d 就係佢d運氣..
同性格都無關係ge...

你可以信人係有運氣....不過大部份都係心理因素....
如果你個人睇得開ge...對自己有信心又勤力..做起事上黎好暢順...
咁你就會覺得自己運氣好....

人際關係都係一樣..
如果你人際關係好ge..
做起事上黎都會暢順好多..
有事起上黎會有人幫你....做生意ge...就會有熟人介紹d新客比你...
又或者你識到個朋友係做賣戲票ge...而你想買果場係好難買到ge....而你因為識得人多...
咁好彩有個朋友可以幫你留戲票..le d 其實小小運氣....最大ge係你人際關係好....

出黎做事最重要係你ge性格同人際關係....運氣唔係無..不過只係小小...
與其信運氣..不如自己努力...因為運氣你唔可以話有就有....
可以做ge...就係攪好人際關係...對自己有信心....
.就算無運氣果時都可以靠自己ma~~

你話"有些人讀書時成績很好,時時受老師稱讚,但出來做事却未必順利,兜兜轉轉都難找到一份安定職業,人人都覺得他運氣差!"
就算佢成績好....唔代表出黎做事一定會順利..
有好多因素..好似如果佢人際關係唔好....又可能佢性格唔好...做事唔識睇開d....
le d 都會令佢做事無咁順利...

相反有d就算佢成績唔好...但係佢識得變通....做起事上黎就會暢順.....


講咁耐...唔知你明唔明..... 希望幫到你la....:p

運氣好同運氣差, 當然與性格及人際有關!
有些人成績一般, 讀書亦不勤力, 但出來做事幾年却每次轉工都越轉越好. 係同佢性格及人際有關, 唔係太過關運氣事. 點解? 佢性格進取, 識得把握機會去尋找有前途嘅工作, 識得努力增進自巳嘅識見, 去裝備好接受更大挑戰 / 更高職位. 佢人際關係好, 肯幫人, 唔怕吃虧, 人人喜歡佢, 有好工會第一時間想起佢. 所以先可以每次轉工都越轉越好. 就算一時間做事唔順, 都大把人肯幫佢, 咁就運氣差都變運氣好啦!
有些人讀書時成績很好,時時受老師稱讚,但孤芳自賞, 夜郎自大唔進取. 做事唔積極, 唔肯幫人之餘斤斤計較, 搞到人人怕左佢. 咁出來做事, 一定唔會順利, 一定兜兜轉轉都難找到一份安定職業. 呢d人就算而家運氣好, 俾佢找到好工, 但自已唔夠料去應付工作, 有事時亦無人肯幫, 咁就運氣好都變運氣差啦!
就算生神仙話你非常好運, 會發達. 如果你日日坐係屋企等運到, 買張六合彩都懶, 咁你點會發達?
所以一個人成功與否, 係要靠佢性格及人際關係, 加上小小運氣. 而唔係掉轉.

if you always smile it will bring you luck and every morning when you look at a mirror
and make funny faces it will also bring you luck


gabati