我仲愛他嗎?

你係仲鐘意佢既！
你話:以前唔見幾日就會覺得好辛苦...
係因為你地岩岩開始，好想見多d!
你又話:以前我會好想同佢拎住個電話不停的...
係因為你地以前唔係咁了解對方，
所以常常拎住個電話不停!!
如果你睇完我地呢d回答之後知道左自己係重鐘意佢，
又放棄佢既話，你會好後悔嫁!!
你唔係無哂感覺，只係你已經知道左佢好多野!
hope你快d諗到啦!!

拍左拖一年會有咁既感覺都好正常, 因為你地已經過左熱戀果段關係, 又穩定左落唻, 同返以前比較你會覺得有好大唔同, 擔心出現問題, 先會愈唻愈以為自己已經唔鍾意佢姐.

一段關係去到某一個點, 就會去到另一個階段, 熱戀都會慢慢冷卻落唻架嘛.

建議你放鬆d, 唔好太過諗埋一邊, 見得太多, 講得電話太多都會開始冇咩話題, 咁就有野講時先打電話, 唔洗dead air又擔心一輪啦.

你仲鍾意佢先會擔心咁多架姐.

既然你男朋友仲咁愛你, 你應該開心先係呀.

你嘅情形, 可能係開始時去得太盡. 晚晚傾電話, 時時要見面. 並無俾時間自巳去諗吓你要嘅係點樣嘅愛情, 點樣嘅相處方法. 有d人拍拖要將自已溶入對方, 日日見樂此不疲. 有d人需要自己空間, 幾星期唔見都仍然相愛. 你有無諗吓你係邊類人? 冷靜d去想一想, 試吓幾日甚至一星期唔通電話, 做自巳嘅事, 同自己d朋友去街. 到你再見到佢時, 係唔係開心d, 有好多野傾? 如果係, 咁即係之前你唔夠自已空間. 咁就知道以後點相處.
另一個可能係, 你同佢拍拖千篇一律, 所以你覺得悶. 現今好多情侶都有一個心態, 就係 "老馮" - "車! 都拍左咁耐拖啦, 使乜咁多花臣!" 初初就卿卿我我, 拍拖, 唱歌, 睇日落, 玫瑰成日有, 溫暖頸巾日日織. 耐左就生日係咁意食餐飯, 做愛次次同一姿勢. 咁嘅情況係因為無 "危機感". 認為個男 / 女友非君不嫁, 非卿不娶. 呢個世界無話無左邊個唔得嘅! 舉個例: 我有個uncle同auntie結左婚50年(!!!). 50年中我auntie每晚一定遲過uncle瞓, 早上一定早過uncle起身. 點解? 因為佢唔俾uncle見到佢落左庒個樣, 亦唔會俾uncle見到佢早上成面油, 大大粒眼屎. 而我uncle就永遠唔會叫auntie "老婆". 佢有個好特別嘅叫法, 佢叫auntie做 "珠". 唔係因為佢個名有 "珠"字, 而係 "如珠如寶" 嘅簡稱! 70幾歲拖手仔行街, 驚喜隨時奉上. 好肉麻, 好誇張?? 係! 但佢兩個都有 "危機感". 70歲都驚對方悶, 怕對方走左. 要知道, 當樣樣事變成老馮, 愛情變成感情, 你地會悶, 想揾新刺激. 危機亦隨之而來! 維持一段關係, 係要一齊make effort架. 不如試下咁吖?! 揾日約埋一齊放假, 同佢入赤柱 / 西貢d露天酒吧, 吹下海風, 天南地北傾下計. 又或者係屋企柵埋大門, 由房做愛做到出廳, 大戰18回合, 玩盡各種花式. 又不如試下陪佢去同佢d friends打波, 做佢一人啦啦隊吖? 當愛情有新刺激時你就唔會悶架啦.
但係, 如果你根本已經唔想見佢, 或唔鐘意佢, 咁就無謂拖. 好多情侶搞到反面, 就係因為一個拖字. 要知道你自巳重係咪鐘意佢好容易. 你最近同佢上床時, 感覺重係唔係好正? 定你只係呼顯佢? 有專家話過, 唔鐘意一個人, 最先癥狀係唔想同佢有性行為. 當然, 大家都唔喜歡性, 或你 / 他有好大壓力而提唔起興致, 就唔算. 如果你發現唔鐘意佢, 咁應早d同佢講清楚, 做番好朋友先, 睇吓以後點. 有時, 你嘅最好朋友, 往往就係你嘅前度男友. 大家明白大家, 拍過拖上過床, 乜都講得, 但又無左感情包服 / 責任, 反而相處得重開心!
感情係一種藝術, 易學難精. 努力啦!

一 pair 情侶拍拖拍o左就黎一年,感情會淡......只要你花心思~咁感情便會come back la!

查實我覺得你係想自己一個人静一下..
或者你可以叫佢少d打比你..
或者係開始對佢冇感覺
多d放開自己la~
聽下音樂"睇下書
畫畫,,,彈琴...都可以幫你ga~~
或者可以識多d唔同既新朋友~
可能唔會有呢種感覺呢!
記住"機會係要自己把握~
唔好到冇左先黎後悔
自由並不一定快樂!
最近要係心平氣和
如果都係唔得ge
就嘗試去忘記...
放鬆自己~
唔好比"愛情"呢樣野煩自己~
輕鬆一下麻@w@"
希望可以幫到你啦!

因為你太熟悉佢..你唔想同佢通電話lo
你一定要想清楚..如果你仲愛佢,但放棄佢..你一定會後悔
但你如果唔愛佢...咁就早d了斷
但我估你是拍得太耐..所以想自由下..
但你一定要想得清清楚楚!!!!!!