水流的問題

第一件事要問你，濾水器係乜野類型？係頂濾定濾筒？缸有幾大？細缸就易打大風架啦；頂濾可以用下唔同喉管配件，帶條喉去配，睇下有冇法子接到ｄ花籃（入水位o個個）或鴨嘴（起碼可以改變方向），有可能要接一小段軟喉再接駁。你唔會係買左個太勁o既濾水器卦，因為每一個都有佢o既適用缸size寫明架喎。
用濾筒的話，水流急o既解決方法，不外乎：
１．為喉管開窿減壓
可以用螺絲批或鑽開窿，水經過時多左地方出，壓力細左，速度就會減。如用濾桶接雨淋管水太急，可以鑽到玩槍o個ｄ滅聲器咁多窿（我就係），要ｄ時間，但效果明顯。令一方法係接大ｄo既水管，原理一樣。如果你用鴨嘴出水，一係唔用囉。
２．改變噴水方向。
可以將雨淋管改為向玻璃射水，簡單。鴨嘴都係一樣。你都係想魚唔被水沖之嘛。