抽羊胎水問題，請有經驗人士幫忙！

1. 不用麻醉,不會痛
2. 不會令嬰兒受傷,只要你合作,放鬆不要動,聽醫生指示便可
3. 無必要,只要坐下來休息30-45分鐘便可;無須太緊張
4. 基本上無須要休假,如果你覺得不舒服的話,就請醫生給你假紙休息兩日吧!無甚麼特別,一
切如常便可以,可照常沖涼
5.去租幾套笑片看看吧!咁緊張,第日生個緊張大師出來
6.我42歲才生個細仔,唐氏綜合症機會率為1%,抽羊水是很平常的,不用擔心亦無須緊張,一 切順其自然,生個仔都靚D
(我個仔現在7歲,又靚仔又聰明;人心情靚D,生個仔都醒D)

2007-06-26 21:04:41 補充：
無錯抽胎水的風險的確比驗絨毛球低，而且準確性是較為低的，流產機會為二百份之一；但其實都相當準備的，因為你是足周數醫生才幫你抽的；再者胎水很快便可自動補充放心啦！醫生會用手把胎兒略略推向另一邊才用針把少量胎水抽出，只要你不動和合作，胎兒是不會受到傷害的，我也親自試過，一點也不痛你的擔心對事情一點幫助也沒有，嘗試放開心情，一切順其自然，對所有人都有好處若然大吉利是真是那麼不好采，你擔心亦無濟於事的；你現在要做的就是開開心心過每一天，天還沒掉下來啊！

我好明白你的感受, 我五月頭先抽完羊水, 當初又係話我唐氏高危, 話高危時得12week
抽羊水要17week先做得, 果個幾月真係度日如年.
不過你都放鬆d啦, 如果唔係會影響亞B架, 好似我咁, 收到報告話BB無事咪安樂晒啦, 仲知道BB係仔定女添, 記住唔好咁擔心, 其實好多媽咪都好似我同你咁話係唐氏高危, 你可去親子王國個網度同其他媽咪傾下, 心情都好D.

問題：
1) 抽羊胎水時係唔使麻醉, 痛就當然會有少少啦, 你只要放鬆個肚, 唔好咁緊張, 真係唔得既話, 合埋眼唔好睇, 三兩分鐘就OK
2) 手術期間受傷機會唔大, 因為會有超聲波睇住, 而且醫生會在亞B較遠既位落針
3) 抽完後坐15分鐘, 無事就可回家, 當然回家後唔好做D粗重野啦
4) 基本上我抽完第二日已可返工, 但你在私家診所做醫生多數都比二日病假你
5) 如上--你可去親子王國個網度同其他媽咪傾下, 分享下, 心情真係會好D
6) 我自己咪一個例子啦

記住放鬆D, 做足媽咪本份, 食多D有營食物, 祝你個BB一切正常, 健康!

1)抽羊胎水時是不會麻醉的,會有少許痛,但可接受。
2)受傷機會不大。
3) 抽完後最好少作休息。
4)最好在家多睡覺&休息,不提重物。
6)本人也是高危一郡,兩女兒一個歲半,另一個三歲,兩女兒都有做抽羊胎水。

放鬆心情面對就是,希望你有一個可愛樂活潑的bb~~

抽羊水是有少少痛, 嘗試分散自己或同姑娘講下說下, 一陣好怏過。抽完最半坐下休息一陣, 找人陪你一齊去la。如果有壓力或唔開心, 記住找人開解,唔好唔開心呀。
本人也是過來人(小兒巳4歲), 為著BB健康一定要抽羊水, 及早發現有問題唔好後悔一生呀。
祝你有一個健健康康的BB啦!