第一日語暨文化學校 好唔好？

如果你９月才報「能力試對應班」，會唔會考到３級呢？
呢個問題好難答，你話你依家日文能力只有基礎程度，咁即係識幾多呢？若果３級既文法完全無學過，咁９月既「能力試對應班」會好難跟，因為老師只會猛做pass paper及聆聽．所以３級會否合格，就好睇你既根底啦！

另外，你問第一日語暨文化學校教得好唔好？你指邊方面先？日文課程？還是「能力試對應班」呢？

我自已返左第一日語暨文化學校既課程二年，好處係學費唔駛一次過俾晒一年錢，逐個月咁俾，老師教學用心，初級是日本人教，中級以上由中國人教，隨時可以插班，學費也算便宜呢！
缺點就係無咩練習做，真係好靠你自己返去再溫書！可以講做無壓力！無壓力自然就無推動力！結果咪好難有進步囉！

而上年則報讀了「能力試對應班三級」，由一位中國老師教，佢會俾本歷年既pass paper既書我地，會叫我地自己試做下，跟住上堂再對答案，係咁依講吓答案既句型，如果你對三級文法一啲都唔識，會聽唔明囉！佢仲會播帶大家聽，我覺得幾好喎，因為果個miss講得好清楚，最後上年我都成功考到三級！

希望呢啲資料可以幫到你啦！