12月出世的小朋友好唔好遲一年先入學?

2007-06-23 4:18 am

我的囡囡12月出世, 全班最細, 有時重好似一舊飯咁 (好bb咁),

吸收 / 表達 / 閱讀 / 理解/ 書寫, 都很 '舌'抵 (特別相比d年頭出世的小朋友),

好唔好讀多一年幼稚園先上小學呢?

我自己9月尾出世, 到4/5年級時開始發覺 pick up 唔倒,

到中學就更辛苦, 中三 repeat 成績追倒, 但心理上唔開心 (因為那年齡很怕瘀)

點呢?

回答 (5)

Claire

2007-06-23 6:15 am

✔ 最佳答案

我都明白你係好相你個囡囡好, 但... 你個囡囡而家幾多歲呀?
其實讀唔讀多年幼稚園都冇咩所謂, 如果你覺得佢太細個, 又好似適應能力有d 慢wor.... 咁你可以俾佢遲一年至讀書或者讀多年幼稚園 law.
其實d 小朋友學習能力係唔係高, 唔在於佢幾大至開始讀書, 反而係你平時有冇同佢有好多時間的練習, 例如: 成日教佢講野, 成日同佢做一d簡單的反應練習咁啦!
如果你真係好擔心佢未來唔知幾多年後的問題呢, 不如你諗清楚佢而家的情況, 或者你地的經濟能力係唔係容許你的囡囡讀多年幼稚園, 你知啦! 讀幼稚園都要錢架嗎! ^^
不過.... 到最後都係你自己決定的

參考: 個人經驗

👍 0 👎 0

[匿名]

2007-06-23 7:34 pm

其實咩月份出生都唔洗理，因為主要睇你既囡囡可唔可以適應到小學生活，
你可以搵d小一既書俾佢睇睇，你教佢少少野，睇下佢學唔學到，
如果佢理解唔到，你就試下其他課題，睇下係唔係大部份都唔得，

仲有，你要知下小學點讀書等等...俾佢實習下，因為可能唔適應的！

如果你的囡囡由以上發現適應唔到小學生活，可以遲一年先入學，用一年時間俾佢學下，甚至先學一d佢最唔點的科目(千祈唔好科科都學定，好易令佢自大)

P.S其實12月出世的人，成績不一定差，我阿哥都係12月出世，但由小都成績好....(我10月出世...but小學唔多掂...反而中學好好)，你睇名校都有12月出世，但都會有成績好~~

不過如果學校校風差，就要小心d，因為比人細小小，可能會俾人蝦...
但遲一年先入學，都有壞處，因為有d人鐘意寸d大一歲的人←校風好的應該少d依種問題

👍 0 👎 0