D魚累事？心傷～荷包＄傷！

你食左金魚軟性毒品呀！清醒ｄ先去買野啦！
１．買o左好多袋魚返o黎
新缸要時間養菌o係濾水器（裏面o既生物環，生物棉上）同泥度，菌夠多先可以入生物，然後逐少加，俾時間菌量追上，否則生物o既廢料太濃會令魚中毒！你個缸開左幾耐？有冇俾時間養菌？開缸一定要等
圖片參考：http://hk.yimg.com/i/icon/16/57.gif
！
用呢個計算機 計下，你個細缸當都係７寸高，其實得 5.5 升水，參考數字係一升水養長度 1cm o既魚，你個缸魚o既總長度就當係 6cm 先算啦，即係話兩條孔雀加一 條鼠！多個呢個數（超養），就要用強勁ｄo既濾水器，等裏面大量濾材（＝多菌）同高流量（＝更徹底過濾）應付污染物。但細缸用勁濾水器會打大風喎！大缸你自己計下，「好多袋」有冇多過個缸可承受o既生物量？
２．細缸D水而家先至慢慢好返！大缸重未好晒．．．我而家將D生猛既孔雀、老鼠放入細缸
即係細缸都死魚？當你入缸時有對溫對水，魚冇病，水唔係太熱，死魚好可能就係因為太多魚！唔好重蹈覆轍！
如果魚已經入左缸，數量又死到上面參考數字咁上下，咁就只要等下就ｏｋ，其間三日換１／３至一半養過（用前一日裝起隔夜等氯氣消散）o既水，等菌量追上就得架啦。
３．而大缸果2幾條在死餘死剩的情況下都生猛番晒！
廿幾條魚？！忍唔住同你計埋，當大缸高一尺，容量唔夠二十升！都係超養！
４．有幾條大左肚既孔雀放在邊個缸養？如果我放係個玻璃樽度養，無泵無濾水器又可行嗎？
唔係下話．．．放得玻璃樽養o既只有鬥魚，佢地可以直接吸空氣，對惡劣水質忍耐力又強。其他魚入起即係等死！大肚可以買個生仔缸，浮係大缸度，放大魚入去，魚仔生出o黎後會跌入下格，大魚o係上格，以免大魚啄魚ｂ。但係再提你一次，你超養架啦！
５．買套缸好定分開散砌好？
套缸加／upgrade器材唔方便（因為有蓋），濾水器又唔夠效率，有要求o既養魚／草人都會訂造魚缸。
６．唔知個普通鞋櫃訂得住嗎？
早兩日答另一問題 ：放魚缸的櫃面要幾厚?

幾厚都冇用
圖片參考：http://hk.yimg.com/i/icon/16/59.gif

就算字典咁厚，有重野放o係上面，長遠一定會變形。左右後三塊板，即使係頂o係面板底唔係側邊用螺絲或入筍接合，只能夠確保唔散開，唔能夠令面板夠力。
我屋企當年有個廿四寸缸，放o係組合櫃面，面板成寸厚，下面情況同你一樣，幾個月後下面個玻璃趟門一樣開始行得唔順滑。

你估你個鞋櫃係實木定蔗渣板呢？放魚缸，一定要有木板由櫃面板撐到地下，咁先夠力，有ｄ直情內藏鐵架，外面包木！
７．好吳好貪平又去買果D袋裝魚好呢？
冇話唔得，但係你預左死亡率高，因為你唔知佢放左幾耐，之前點樣處理，所以揀時要好小心，睇下袋內夠唔夠氣同水清唔清（從而知道入左幾耐袋），有冇病，狀態如何。我有ｄ可以養好耐，有ｄ一袋十條死剩一半都有。始終o係缸養定左會好ｄ。