我想問，養咩小型動物係最乖，唔會點咬人或者抓人？同埋會比人抱上手？

我熱愛熊仔鼠,亦都非常想養天竺鼠,曾經經過二選一既心理鬥爭,最後選擇左養熊仔鼠,或者講下我既感受同你分享一下.不過我對天竺鼠既認識唔多,只係睇過大約一個月資料,所知既都係好有限

我選擇養熊仔鼠既原因如下:
1)獨居vs群居
倉鼠係獨居,天竺鼠係群居,甚至有d講法係天竺鼠一隻住既話會唔開心而叫,我唔知天竺鼠係咪真係咁,但都睇過有天竺鼠打交既講法,始終如果要兩隻動物放埋一齊,未必明白佢既感受,又唔知佢係咪鍾意,所以個人認為一隻易打理,又可以集中注意力去錫一隻寵物,可能係我既問題,如果多過一隻寵物,我自己係非常易有偏心既情況,但往往都會因此而感到內疚.
所以養倉鼠較適合我

2)叫聲
倉鼠既音頻一般情況下都唔會聽到,只係痛苦or驚既時候先會聽到倉鼠叫,咁就好易分到佢有冇咩問題
而天竺鼠平日都會叫,我就好怕d動物係唔係都叫,一來難分辨佢有冇事,二來唔想家人驚

3)剪指甲
倉鼠好少要剪指甲,但天竺鼠間中就要剪下

4)壽命
倉鼠中,熊仔鼠大約2-3年命,天竺鼠多數7,8年,最多可以去到10年,呢樣當然天竺鼠好啦

5)地方
倉鼠用既地方少好多,但有地方當然冇咩問題,只係我覺得用同樣既地方,對倉鼠唻講可以成為"豪宅",見到好大既空間俾自己既鼠住,感覺都好好多.

6)腮
倉鼠比天竺鼠多一個腮,對我唻講係好吸引既地方,覺得好得意,而且在科學上,倉鼠獨特既腮都會有特別既研究作用

7)梳毛問題
倉鼠短毛既話,係唔洗打理佢d毛,但天竺鼠長毛短毛都要梳毛既,我本身就有鼻敏感,所以比較難接受要梳毛.

8)相關資料
較多人養倉鼠,所以搵相關既資料會較易,但錯誤既資料同樣地多,但有多d資料可以自行分析.加上如果鼠鼠有病,識醫倉鼠既獸醫我估會多d,我唔肯定,但覺得因為倉鼠多d,市場多d,又多實驗係用倉鼠去進行,所以獸醫應該接觸倉鼠會較多吧?
同樣地,因為倉鼠好多被人去做實驗,感覺上偉大一點.

我考慮過既大約就係呢d問題,希望對你有幫助,養咩寵物之前的確要好好考慮同了解該動物先好養

2007-06-22 09:17:27 補充：
另外有人提及龍貓同兔仔,我同我既朋友有d唔好既經驗,所以而家就一直都冇諗過龍貓唻講,真係好快,都係會咬電線電死,仲有好易骨折咁,有朋友養左好幾隻,隻隻都骨折過,以為佢粗魯啦,但另一d朋友都試過,感覺好恐怖咁...拎卡片呢樣野的確十分吸引,但聽講唔易教識...兔仔就如樓上所講,好臭,都好易死,會俾自己既尿尿浸死,我試過養,真有其事...都睇過一d討論區,都有類似既情況其實痴人唻講,熊仔鼠唔可以話痴人,但就唔多會咬人,我咁多年都未試過被咬.當然要識得點處理,唔係咩動物都會咬你

2007-06-22 09:19:51 補充：
好欣賞你會為寵物諗咁耐同認真去諗,希望你會揀到你想要既寵物啦而家好似好多人真係咩都唔諗,就買左隻寵物返去先...仲拎去繁殖一大埋,真係....

2007-06-22 09:27:20 補充：
仲有倉鼠係夜晚活動日頭訓覺(大約黃昏到半夜活動),天竺鼠係相反既我係夜鬼,所以倉鼠適合我一d

2007-06-24 16:28:55 補充：
熊仔鼠一般都會乖過銀狐既,但臭就會臭過,因為大隻過銀弧好多,如果想冇咁臭,可以養女仔,男仔係較臭,仲愈老愈臭不過女仔較男仔多一個問題,就係會有子宮發炎or腫瘤,就算冇生過bb都有咁既機會,我咁耐以唻就試過一隻鼠有呢個情況(我唔記得養過幾多隻了),情況都唔算太大機會率既.始終老左既鼠一般都係好易會有腫瘤我自己本身偏愛熊仔鼠好多,熊仔鼠真係好聰明,好似識聽人講野咁當然啦,隻隻鼠都唔同,唔係隻隻都一定地乖

我曾經養過好多小型動物,如熊仔鼠,天竺鼠,龍貓,龍貓鼠(即小灰霸,小露寶),兔仔......
而家就養緊龍貓
個人覺得龍貓最符合你要求
1.完全唔會咬人
2.比人抱而且痴人
3.好聰明,學習能力好高,可以教佢做動作,例如可以教佢拎住張卡片
如果覺得龍貓太大隻而且貴的話
咁次選就應該係熊仔鼠
比天竺鼠活潑好動好多
而且天竺鼠並唔係隻隻都痴人
相反有唔少天竺鼠係抗拒人
有些甚至會一掂佢就會好迅速咁逃走
可能要花一段時間先取得佢信任
而就較為簡單,唔怕人
只要佢小時多o的抱佢
到大個時就唔會怕比人抱

整潔度
糞便方面,上述o既小動物都差唔多,無乜特別
但係小便方面,異味就各有差異
龍貓鼠同熊仔鼠最乾淨同極少異味
其次係龍貓同天竺鼠,少少嗅
最後係兔仔.....好嗅....

除兔仔之外,最好養兩隻或以上
佢地會開心好多的
兔仔就無所謂

奉勸你唔好養男又養女
免得越生越多
好次熊仔鼠咁
幾個月後就多幾十隻
又會出現阿爸食仔o既情況,會好多麻煩的~~~
你想乖d就養女啦
男仔好動好多,打交都打多好多

在外國，
普遍家庭會選養天竺鼠來作為孩子的寵物~

因為天竺鼠大部分不會主動攻擊人，
而且生性馴良容易訓練，
體型（成鼠大約2lbs）亦很適合放在雙手上撫摸~

只要跟天竺鼠建立感情之後，
就可以親手餵食，
牠更會認得飼主及發生肚餓要求食物的叫聲~
這是其他Q版寵物所沒有的~

唯一的問題是香港比較少人飼養，
要獲得有關天竺鼠的資料亦比較難~

2007-06-22 09:49:30 補充：
相比龍貓，天竺鼠需要的籠子較矮小，大約是成鼠身長的2倍（長或闊） X 1.5倍 X 1.5 倍~天竺鼠比較細膽，所以對飼主突如其來的行為反應會很大，或者會逃跑，但基本上都是可以抓回牠們的~（牠們的步速快極有限....）