我隻狗狗有腸炎．要做血清．但機會係５０％

你隻狗狗住邊間醫院呀? 都幾貴喎. 如果嗰間醫院冇特別信得過的醫生, 我建議你帶佢去睇大埔的安健獸醫診所, 有個叫Dr, Keith都ok架, 但佢唔係成日喺度駐診, 所以要先打電話問清楚佢喺唔喺度, 地址 : 大埔仁興街54號地下, 電話 : 2656 1128. 呢間收費比較合理, 護士們都好nice(除咗經常坐喺front desk的男護士). 我年半前有隻BB狗發狗瘟, 就係去呢間睇, 雖然最後都救唔返(因為我太疏忽大意, 太遲發現佢有病), 但我仍然感謝護士們的友善(我隻BB狗要留醫, 所以我一日打好多次電話去問佢(BB狗)0既情形, 佢哋不厭其煩的回答我, 仲會主動打電話俾我報告BB的病情).

我想問你隻狗狗係咪BB呀? 是的話, 就要更加小心處理啦! 我建議你唔好俾佢留醫, 一來醫院有其他有病的狗狗, 如果你的狗狗未打齊針, 有機會俾其他狗狗傳染埋, 二來腸炎的細菌好強橫, 狗狗排出嚟的大小便就更加多細菌, 所以每次佢疴完後, 就要立即用消毒藥水抺乾淨佢排便的地方(如果周圍都係腸炎菌, 佢個病想好都難呀), 但喺診所, 邊個得閒到佢一疴咗就去抺呀? 如果因為要吊藥而留醫, 可唔可以你返工前送去, 放工後去接呀?(我嗰陣就係咁, 我返工前同媽咪送佢入院, 媽咪就留喺度陪佢, 我放工後就去join埋媽咪接BB一齊返屋企). 診所通常21:00至09:00都冇人, 成晚流流長, 有事點算呀?

啲醫生通常會將病情講得嚴重啲, 等你有心理準備, 萬一真係救唔返, 佢0既責任都冇咁大; 如果救得返, 我哋呢啲狗主人就會當佢神咁拜, 所以如果醫生話50%, 應該有60-70%, 你隻狗狗應該好大機會好返架.

其實腸炎同狗瘟好唔好得返, 除咗藥物治療, 狗狗的求生意志都好緊要, 而你及你的家人就係佢生存落去的最大原動力. 你要對狗狗講多啲鼓勵的說話, 譬如 : (狗狗名字)乖, 加油呀! 我知你好叻架! 你一定會好返, 唔好放棄呀! 我會喺你身邊支持你同陪住你! 有你的支持鼓勵, 佢一定會康復架.

你同狗狗要加油呀! 祝佢早日康復. 我會為你們祈禱的,

hi wasabi,

我隻狗女都發生左腸炎剛從醫院返家不夠3天, 所以絕對係最新的經歷 !
我買左返來第二日早上已經帶佢去做 body check ! 當時己發覺個女有 d 流鼻水同小小咳, 所以醫生唔同佢打預防針並且已經提醒我要留意小狗的餵口同d便便, 由於病情不算嚴重所以當時並未有開藥. 醫生要確保小狗14天內健康之下才可以打針. 過了3天, 我覺得個女d咳嗽嚴重左, 我立刻帶佢去睇醫生, 當日正正係接左個女既第7天, 醫生同佢做左個腸炎及狗瘟測試, 結果都係正常, 但醫生已解釋現在 check 左無不等於 100% 無, 因為小狗體內的病毒太少或未發出來 (上述兩個病都潛伏14天), 都有可能影響測試結果, 所以醫生要求再過5天 (即將近接回來14天)再作一次測驗唔會再收錢 ! 當時開左d普通感冒藥俾佢食. 又再過了幾天, 我覺得d感冒藥沒有功效又帶佢去睇醫生, 於是, 醫生再同佢做狗瘟測試亦正常. 醫生說佢沒有痾血所以沒有做腸炎測試. 翌日即第13天, 那天早上小狗女沒精打采唔肯吃東西有肚痾, 我仲摸到佢隻耳好似好熱應該發消, 於是我立刻送佢去睇醫生, 結果正實患左腸炎. 當時我咸到收唔到聲, 搞到個姑娘係咁安慰我, 果日仲係端午節前一天 ! 狗女立刻入院要留院5天同樣打血清, 埋單差不多都成 5仟破蚊 ! 我每晚收工都去探個女...... 直到現在, 狗女現在已係我身旁瞓緊目覺. 我仲發覺佢好番之後聽話左, 講真帶佢返來第13天已入院, 佢d屎尿尿係無可能咁快識得行入個狗寵去大小便 !! 尋日佢竟然自動自覺行入去 !! 可能個女見到我望住佢咸有性知道無放棄佢 !!! 最重要既等你隻小狗出院後, 你可以俾d葡萄糖佢飲 (即係超市賣藍色圓罐細個bb飲果 d叫葡萄霻) 開1-2茶匙混入清水俾佢飲, 等佢d低抗力好 d !! 仲可以買 d chicken 烚俾佢食 (要去皮) !! 消毒方面可以去藥房買支 "拉素水" 1比99去消毒, 我連佢瞓過既蓻都拎去沉完消毒蘂水先至放入個洗衣機再洗 !!

最後, 希望狗狗大步 nam 過啦 !

我仲慘,昨天早上帶剛買回來5日既bb狗到西貢DR看症,check左冇腸炎,晚上回家,bb又柯到有血水,咪call 姑娘問,果陣7;55pm,姑娘話8pm收工,我話10mins到,要charge我急症費$800,又講唔黎我隻狗就唔得,我咪谷氣冇揾佢,出左kowloon city看Dr,点知驗出有腸炎,你話...!!!而家bb狗在診所吊鹽水 & 血清&住院,$900/曰,but Dr 話好番机會好微,但我買得bb返黎,就有責任照顧佢,生命得一條,希望佢冇事,bb加油呀!媽媽在後面支持你

腸炎係好麻煩架病..因為d菌好勁..又難好番晒..d菌係道都會又有野..
最好成日清潔屋企啦..d菌可以令腸胃失去普通功能..
我隻狗都係死係腸病毒..買左10日就死..冇打針..你幾大打左針未..
大d打晒針e番架機會大d..我都比佢留院左4日..因為屋企咁多菌..
都唔比佢留低啦..d菌可以有3-6個月係屋企..我都唔知邊度好..
佢都有打血清..x水個d..打完過3日就知得唔得架啦..我隻狗都過唔到第5日..
佢架意志係最重要..一定要成日探佢..比佢知你地支持佢..我隻狗可能細..
同佢相處唔耐..所以冇晒意志..e生都話有50%..但我冇諗住佢會死囉..
我都用左3700..你係邊間睇..梳亞道個間幾好架好似..但我唔係個間..
如果冇野..買d e生用架藥水消毒屋企啦..我宜家諗住養過隻..
但狗狗只係死左1個月..8月養..我驚下隻狗都有野炸..
不過加油..支持狗狗呀..希望佢冇野啦..