有學日文的來..

我都學日文學左好多好多年啦﹐雖然而家無正式再返學上堂﹐但係由於工作上每日都要用日文﹐所以仍然係學習中。
講起開始學日文既契機。。。。我都係為左日本既偶像﹐仲要係酒井法子﹐你可想而知係幾多年前既事啦﹐哈哈。

初初純粹為左識得唱下日文歌﹐自己買本書自學﹐之後去興趣班學﹐上到大學又揀返日文﹐畢左業再去日本讀。
你問我點解要學﹐不停甘學。。。。我諗係好勝心啦。

我個人認為﹐去日本留學係一個好好既體驗﹐孤勿論為左想將日文學到幾好幾好﹐始終了解一個國家既文化﹐對學果一個國家既語言係好重要。

老實講﹐去完日本﹐我開始討厭某d日本人﹐同日本人既做事方法﹐諗法等等。
不過我真係好慶幸我有去到日本留學。 係一生難得既體驗。

純為興趣....唔係真ge
不過大部分因為興趣.想睇想聽得明日本ge野
輔助原因係提高個人能力...any way,學多一門語言都係提高,無論係米日文,不過個人喜歡日文多過其它文,因為comic的魅力
其實我ge理由就是咁純粹,唔知點解周圍好多人都以為我好想去日本出於朝拜心態.
對於日本我喜歡佢某方面,如果旅行都會想去.但如果長住就唔好啦.
會繼續學落下,無論用幾多時間.but都係希望能夠快d,我知道學一門語言都可以說到邊個程度唔可以說學完,而我只要佢能夠成為我的第二語言就ok了.所以向著呢個目標就夠了

我都學左日文好耐!
我只係響HK學
有諗過去日本留學但都無留過

HK都有為數唔少既人係學日文學到1級/以上
無去過日本留學而響日本公司打工的, 又說得流利的
當然是無響過留學的人咁地道標準
但......眼見都唔差!

學野係為左自己
係咪一定要留學先ACHIEVE到目標? 係好睇個人需要
去日本留學只有一個好處就係學得快同地道(因為迫住你去學)
但係學費超貴仲唔一定包你學完就搵到工(無論係日本定係HK)

你只係想同日本人溝通到, 唔需要過去留學都可以
又或者你可以申請助學金/獎學金
令你減輕負擔

事在人為, 有心, 無論花幾多年時間都值得
希望你明白留學唔係唯一學日文的途徑!
人生無可能事事完美順利!
就算真係好想試, 咪 試下儲夠去日本讀半年(一個學期)或參加2~3個月的遊學團體驗下先LOR
好過千辛萬苦過到去到頭來學成得個桔!

以上只係個人淺見, 岩唔岩聽睇你自己!

我都有學日文!!!
一開始都係因為仲意歌星而去學, 雖然而家都仲仲意日本歌星,
但學日文o既原因就改變左！！
我覺得既然已經放左咁多時間落去，而且自己又有興趣，點解唔繼續？？？
咪當學多樣技能，可能以後對工作呢！！
如果朋友問你日文，而你又答到時，ｏ個個満足感好好啊～～～
只要你仲意，我覺得其實唔需要太多理由！！！
不過我就無諗過要去日本留學，因為需要好多錢，而且我自己都幾痴家～～～
希望我ｏ既話可以幫到你啦～～～
唔好咁易放棄啊～～～（笑）