想請問参加追悼彌撒的禮儀?

我估板主想問d應有既禮節 [etiquette]
追悼彌撒其實同其他彌撒一樣, 不過天主教遵照西方人習俗, 穿黑色服裝和黑鞋, 最好避免帶飾物, 跟中國人的孝服的原則差不多, 以簡樸為目的. 送花的話不拘顏色, 不一定要是白花. 不過始終係中國人既地方, 有d人都係小心為上, 都係覺得白花穩陣d, 隨得你啦. 如果禮儀係連住出殯, 有d人都會做帛金的, 又係因為中國人既習俗, 其實唔做都可以既, 因為西方人冇咩收帛金既習慣, 咁又係隨得你啦. 如果個追悼彌撒唔連住殯葬, 例如係聖堂特別奉獻一台追悼彌撒, 就唔使比錢d家屬既.
天主教追悼彌撒不是為超渡死人, 而是為安慰亡者的親友, 給大家一個機會表達思念, 和反思以後要怎過活, 所以不要求生者帶孝, 齋戒, 燒衣紙給死者, 而是降福給生者, 渡過哀痛, 重新振作.所以家屬唔使特登喊到呼天搶地表達哀傷, 唔會喊叫亡者個名招魂.
由於天主教相信代禱, 追悼彌撒亦可為亡者求情: 求天主赦免亡者的罪過, 讓他快點得到永生. 所以會有諸聖禱文, 求天上的聖人幫忙代禱.

你是否想問有關禮儀的內容？
天主教殯葬禮儀內容可於以下網頁找到：
http://catholic-dlc.org.hk/p2c200708.htm