台灣旅遊行程....***

我剛剛去完台北, 我去的行程同你差不多, 都係4日3夜, 坐長榮 11:10去台灣 18:10返香港, 住城美, 希望我的行程幫到你 (不過我係以行街為主)

第一日

酒店要15:00才可以check-in, check-in後去了西門町行街, 之後再去士林夜市行街, 返酒店

第二日

搭捷運去淡水(如果你o係西門站上車, 要去到台北車站轉淡水線), 睇完日落後搭返捷運去師大夜市行街, 跟住返西門町去錢櫃唱卡拉ok. 返酒店

第三日

搭捷運去木柵動物園 (動物園關17:00), 之後便去行(101, 誠品, newyorknewyork ---同一個area, 所有都有天橋連接, 除了誠品), 之後再去行士林夜市 (第一日睇中左個袋但冇買到, 所以返去買番 :p) 返酒店

第四日

check out後去西門町食lunch, 買手信, 大約三點便搭車去機場lor.

備註 :
我都買左好多CD返香港, 但我係西門町的玫瑰唱片買, 平好多. 我買左隻日本CD, 係香港買三百幾, 但係個度買都係為起百幾元港紙. 好抵. 仲有, 我係西門町見到CD的價錢, 比起台北車站的玫瑰唱片係平些, 所以要買最好係西門町買.
另外, 唔知你睇唔睇日, 韓劇, 我係師大夜市買了一套, (佢有好多, 但有些我唔識) 雖然比起香港唔係平好多, 但係包裝靚過香港, 我覺得都抵.

我冇做落地簽証, 我係上網申請簽証 (https://nas.immigration.gov.tw/nasf/ctlr?PRO=PRO_Task01Application), 佢會有個confirm no. 比你, 你拎住個number去到香港機場己經可以做到簽証 (passport最少要有效期半年), 冇記錯係HK$55, 我當日係去到機場CHECK-IN先, 之後再去搞簽証 (因為要放低passport比佢地做簽証, 所以要check-in先), 我地食完早餐才返去拎簽証, 成個過程大約40-45分鐘, 都唔算快) 但你一去到台灣已經可以即刻出機場, 無需去做落去簽証, 通常去到已經好想快d出機場, 快d去到酒店, 快d出去玩.... he he

希望可以幫到你啦... 祝你玩得開心!

建議行程:
第一天
酒店check in後,坐捷運到市政府站逛101,newyorknewyork,誠品信義~~!然後去饒河夜市及五分埔,然後回酒店~~!
第二天
坐捷運到忠正紀念堂站觀光一下,然後坐捷運到淡水,逛淡水老街,再坐公車或渡輪到漁人碼頭及情人橋走走~~!之後坐捷運到劍潭,轉免費接駁車到美麗華百樂園坐摩天輪及shopping,然後坐接駁車回劍潭逛士林夜市,回酒店~~!
第三天
探親
第四天
坐捷運到木柵動物園站逛動物園~~!然後到台北車站附近逛唱片店及書局街,然後到西門町shopping買手信回香港~~!
落地簽證,要是香港出世,或非香港出世但曾於1983年後到過台灣~~!
需要文件為passport(六個月以上有效期),14日內回程的機票,舊台證(如有)~~!
費用為台幣200元,不設找續,不收零錢~~!可以入境一次,逗留14日~~!