急問..狗仔腎衰竭係咪死梗?(沒期)

我實在很不願意將事實話俾你聽...........係, 末期腎衰竭, 一定死梗, 而且係好快0既事.

點解我咁肯定, 因為兩年三個月十一日前, 我隻狗狗亦係死於末期腎衰竭. 由確診到佢上天堂, 前後唔夠一個星期.

你而家唯一可以做0既, 就係盡量陪住佢, 最好廿四小時有人照顧佢, 因為唔知佢幾時會去. 去到呢個階段, 所有的藥物都已經冇用, 唔好再俾佢打針食藥啦, 盞令佢更辛苦. 珍惜你哋之間僅餘的時間吧.

我亦唔建議你幫佢安樂死, 因為我問過醫生, 腎衰竭係咪會令佢好辛苦, 醫生話唔係, 佢只係會好疲倦同埋食唔落嘢, 最後就會好似好眼瞓咁合埋雙眼長眠. 由佢自然去啦........唔好由你決定佢幾時走, 將個決定樣留番俾佢啦.

好抱歉我講得咁直接, 可能會令你好難受, 但我實在唔想講大話, 亦講唔出口. 盡量守在他身邊吧! 萬一他在你不在他身邊的時候離去, 你一定會後悔莫及. 我隻狗狗離開前的四日, 我連工都冇返, 幾乎俾老細炒魷魚......但我老細根本不明白, 隻狗係我屋企人, 調番轉, 如果佢屋企人就嚟死, 佢仲會唔會返工吖?

唉~~我已無話可說啦! 但我會為你及你的狗狗祈禱.

未必會死,你要比信心你的狗仔,一定會好返
如果你覺得它真的很辛苦,就比佢去,佢永遠會在你心中的


hope your dog 康復