東京4days自由行.....請問有無人可以提供行程表。

有關你的行程可以如下:
day 1) 當到達酒店Check in 後大概都約 5:30pm - 6:00pm,當晚只可以係你入住酒店附近逛街及吃晚飯,你住在池袋可以到sunshine city 購物中心及Tokyo hands逛逛(一般商店營業至8:00pm),你可以逛完後才吃晚飯,飯後還可到SEGA-GIGO game centre地下拑公仔或上樓上打機..
day 2) 吉祥寺 > 下北澤 > 原宿 > 回池袋
day 3) 橫濱(Bayside Marina Outlet) > 涉谷
day 4) 淺草 >上野 (最後衝刺) > 出發到機場
如你鍾意shopping(又唔一定要名牌的話)一定要到吉祥寺及上野,這兩個地方都值得一遊.
吉祥寺有好多女仔野買款式多價錢平,包保你買得開心(可在新宿乘JR中央總武線吉祥寺站下車即到)
上野就比較平民化D,有好多食ga手信買,亦都有好多平野買,仲有D街邊檔小食(可在新宿/池袋乘JR山手線上野站下車即到)
祝旅途愉快!!!!

淨係搵到5-6天,你自己編排下就得啦

10000蚊一個人是冇問題的(只要你唔係瘋狂shopping族 = =)
5-6日，當你6日la

最平的選擇有2種:
一) 3日2夜package，另外3晚住民宿
二) 平機票+5晚民宿

好難答你邊種平d，因為package價每間旅行社唔同
東京民宿大概每人3000yen一晚到，4個人一間房，有4張床。
平酒店都有，東橫inn/super hotel之類的商務酒店大概每人4500yen一晚
所以邊個平d要你自己格下價先得

淡季其實跟團同自由行價差唔多，旺季我覺得自由行平d
自由行的話，必要的洗費食宿機票交通費入場費等等加埋，平均大概係1000蚊港紙一日(食得差d住得差d可以再平200到)
食費你預大約每餐1000yen，拉上補下，都可以食幾餐豐富d，想食豪d就預2000yen一餐吧。
你要計的最基本費用係：機票連稅+酒店+入場費+每餐1000yen食費+來回機場車費+每日約1000yen車費(拉上補下)

你會發現淡季5天東京團都係around $5000，所以跟團同自由行個價唔係相差好遠，視乎你鐘意邊個la。


屈蛇係犯法的，4個人屈係2人房，好易俾人發現。酒店每日都有人執房，一入房見到你地有4個o急同4個人的物品都知咩事。而且，東京d房真係好細，普遍酒店twin room內的單人床，大概係一米闊，高級酒店部份係1.2米闊。如果你地真係屈蛇，我諗一定要住高級酒店 = =，咁不如住間平酒店要2間房la......
就算你地搵人瞓地下，我諗都冇得你瞓，雙人房間面積大概係16-22平方米)，細到瞓唔落，除非你地攬住個o急瞓。所以千祈唔好諗住屈蛇.......


一般行程大概係咁:

day1:早機去東京，到酒店check埋in大概都要6點→酒店附近or池袋or新宿行下
day2: 新宿→原宿→涉谷shopping (shopping 日)
day3: 淺草→搭觀光船去台場→晚上大江戶溫泉
day4: 築地食壽司早餐→hello kitty land→晚上仲可以去多個地方
day5: a) 全日迪迪尼 / b) 幕張outlet→shopping地方(秋葉原/池袋/目黑....)再血拼整日→晚上六本木睇夜景 / c) 有其他特別地方都可以去( 如品川水族館/上野動物園/三鷹美術館等等)
day6: 上晝可以shopping最後衝刺，又或者去多個地方。約中午去上野買手信/平波鞋t-shirt→上野直接去機場→晚機回港

如果係跟團，6天東京團有機會有1-2日去左富士山個邊浸溫泉、玩富士急樂園同住一晚。7天團就有機會去箱根浸溫泉過一晚。自由行的話，如果要去富士山/箱根，比較建議逗留7天，如果在6天內包埋去富士山/箱根，就會比較趕。