✔ 最佳答案
唔... 兩個都係後衛黎架喎, 不過我覺得兩個都好適合打防守中場, 朗奴高文被稱為重炮, 成四十碼的罰球都可以好勁咁射入, 後上助攻或遠射都好勁; 而列卡特就比較全面, 又夠硬朗, 而且被稱為荷蘭三劍俠之一實力真係好強, 後上射門都得, 所以真係好難取捨, 不過都要睇下有咩隊友配搭架, 因為中場好講體能同機動力, 而後衛就要安於本分少啲助攻穩陣, 所以我諗都係列卡特打中場而娃娃臉朗奴高文打後防會好啲。
另外講到球員職業生涯我諗最好一定係球王比利啦, 依家上網睇返佢啲片都覺得佢係癲架, 想防佢就唯有作出犯規動作, 可想而知佢一攞波就比到對方幾大壓力, 實力真係超班, 而且球品好, 又無咩唔好的新聞, 加上依家咁老仲可以係足球上有好高的成就, 真係無嘢好講。
之但係講到荷蘭球員的話就非荷蘭球王告魯夫無屬啦, 剩係睇打winning除咗龍門外適合任何位置就已經無其他人可以相比, 全能足球係佢身上真係表露無遺, 加上球技了得同得獎無數, 又係無嘢好講。
2007-06-22 10:27:08 補充:
哎呀... 我係誤會咗你個問題呢? 其實你係咪想問列卡特同朗奴高文兩個邊個職業生涯較好呢? 如果係咁... 我覺得其實兩個都係好, 不過列卡特就永遠都會有個污點係度, 就係佢同德國的禾拉吐口水果單嘢, 永遠都忘記唔到。