應否買樓?? 煩煩煩煩煩

本人建議你暫時租屋住會較好,因為你個女才幾個月大,又有屋企人幫你帶,用錢唔多,遲d你個女讀書時,你就有好多其他支出,條數你現在預算唔到的,除非你自己可以保證,未來日子你既收入一定比現在有多而不會減少.因為你租屋彈性較大,有錢時住兩房,無錢就轉住一房或套房,禁樣,你無禁大壓力.而且而家樓價全都上漲,是高峰期,如果你而家買樓,第日供唔起賣返出去,昇值你就笑,但萬一貶值,你就喊得一句句了(因為30年樓0既樓,昇極都有限啦).你現在暫時租套房住,個女阿媽幫你睇,自己存多d錢,過多幾年,個女大左一定要回你身邊,套房唔夠住,再考慮買樓都未遲.因為你手上既現金多左,選擇都大左,而且首期都可以比多左,到時供起上來無禁吃力了,而且你個女到時大左,唔係bb,你買有兩個房既屋,如還是感到供得吃力,也可以租出一個房比單身人士住,一千幾百都好,可以幫補你水,電,煤既開支.

本人建議你租樓先, 因為你個女得幾個用大
需要一個環境好d既地方俾佢, 而且租樓彈性大d
到個女大d要返學既話, 可能要般去同區地方住
養一個小朋友實在要用太多錢, 所以買樓真係要考慮清楚先...

買樓除咗本身個樓價外，你仲要計經紀佣金、律師費等等，而且二手樓唔多唔少都會有啲維修，所以你要自己諗清楚計好條數先決定。

如果真係要搬出去住，又計唔到條數可以考慮租住屋先再申請公屋吖。
雖然可能到時間公屋會有啲唔就腳，但馬死落地行，咪將BB交比媽咪帶，到假期先帶番屋企囉。