我同佢發生左關係....點算?

佢開到口唔會同你起埋一齊, 總好過當你係女朋友但係有理由一拖二, 至少佢唔會同你講未來既事無人知呢d廢話.. 起碼佢已經好明確俾左個答案你,
既然佢講到出口, 好明顯佢對你既好感並無存在愛, 又可以話對你未及對佢女朋友既愛, 你唔好因為咁而憎恨佢女友, 佢女友同佢渡過既時間, 所付出既俾你多, 佢依家係最大既無辜者, 所以你要憎恨既, 應該係個男人. 因為佢傷害佢女友同事傷害緊你, 佢事後仲會補償番佢女朋友, 但係你呢?
好多人朋友與朋友之間產生好感, 繼而發生超友誼關係, 呢種情不自禁往往會有一方事後後悔而終止關係, 而個男人同你發生關係後, 諗都無諗, 連一拖二都唔想, 好明顯佢事前從來無考慮過同你既問題, 而佢同你曖昧既時候, 試問企佢女朋友立場, 假如你做左佢女朋友, 呢個男人係咪一個好既男朋友? 就當你真係好愛佢, 但係佢事後即時後悔, 就算你憎恨佢相信你同時都忘記唔到佢, 佢有機會慢慢唔搵你, 亦都有機會同你再發生關係, 就算大家做番朋友扮無事, 已經唔會再同以前一樣,
曖昧永遠係最開心但又最短暫, 當你曖昧既時候就想有答案, 有左答案唔係你所願你就要慶幸答案黎得早, 你唔駛再花時間去兜轉,
如果你做得到, 就好似朋友咁, 但慢慢遠離佢, 佢唔搵你, 你就唔好搵佢, 至少俾佢知道你唔係一個隨便既女人, 過左一段時間佢會掛住你就會自然搵你, 如果佢唔會記得你既, 証明你同佢發生關係o係佢心目中唔係咩一會事, 你亦都當人生其中一個回憶.
如果你做唔到唔搵佢, 你就即管嘗試好似之前咁搵佢, 不過你要有心理準備佢會離開你, 假如佢唔想同你再好似以前咁, 好既係你總算嘗試過挽留, 唔好既係你之後會有一段時間更傷, 到最後, 答案都會係一樣. 如果佢唔介意同你再做朋友, 或者再發生關係, 最後忍唔到既亦都係你自己, 呢段時間, 傷係預料之中, 你就根據你想行既路去選擇下一步, 千萬唔好後悔, 因為佢唔放棄佢女朋友, 你每個選擇,都會係傷, 一定會有一段時間去適應, 就o係傷心既時間出外搵多d朋友, 搵下其他男伴, 搵多d搞作, 盡量去將傷心減輕, 當時間一過, 一切就回復正常.

To Hong Kong, good advice, very genuine.

你明知道佢有女朋友你都同佢發生關係
你真係甘心一直同佢曖昧落去?
就算知佢好愛佢女朋友.. 吾會同你一齊你都甘心?
我覺得你不如算啦!
佢有女朋友.. 吾以ge話.. 你無謂做第3者呢個角色!
其實佢都吾係咁鐘意你
佢最愛既都係佢女朋友... 你當你係咩先?
佢做出d對吾住自己女朋友既事
佢仲係咪一個女男仔呢?

呢個男人係咪好愛佢女朋友都係一個可圈可點的問題，我想問 一個人同第三者發生關係都可以叫好愛佢的伴侶嗎? 不過 得一個可能性，就係佢的伴侶無乜所謂。 咁都可以叫做"愛"? "愛"係乜黎?

無野好念...你係女仔你唔出聲佢實同你繼續保持呢種良好既關係

既然是你情我願 .... 發生 ~
那無話可說了 ~ 身體是你的 ... 你仲意比佢也甘心 ... 但 ....
你知是不會有結果的 ...... 由一開始 .... 注定就是 !
其實是你地做錯事 .... 希望你不會 ... 找這個要脅男方同你一起 ...

女人的時間是很寶貴的 ... 你等得 ... 個樣唔等得 !
你要是為一個不值得浪費時間的人玩 .... 各下自理 !
他是否真是一個值得去愛的人 ? 你清醒下先啦 !
他愛的是自己 , 他可以背叛自己心愛的心 ... 這個男人好極有限 ( 我話的 )
當然你不認同啦 ~ 愛情是盲目的 ma !

佢對你有好感 <---- 係男人同女人上床之前都係甘講架啦 ....
你想他找你 ... 會的 ... 他性需要時 !
你試下他需要時 ... 你不給他 ... 會有咩反應 ? 呵呵 !

你問下正常少少的人 ... 我說得對不對 ?!

GOOD LUCK !