政府不增加無膠袋日的日數的好處

都冇話好吾好既,其實用環保袋即係意味重覆使用，咁個袋實要日日洗，咁洗既過程又浪費左幾多食水呢？咁係咪即係增加對個海既污染呢？(環保人士唔係話食水好珍貴既咩？)

如果流行使用環保袋，香港人自然又會講款式，到時又會唔會有好多環保袋被掉棄呢？到時呢d袋相信比一般膠袋仲難分解千萬倍。

既然樣樣講環保，點解又唔針對紙尿片呢？用番尿布環保好多喎，一條紙尿片抵得上數十個膠袋呀！

有時係超市多拎兩個袋未必係人地故意多拎，只係超市d膠袋實在太薄，唔拎多個真係穿架，所以有時唔可以單睇數量，如果個袋厚番d，咁自然咪唔會拎咁多……

好似某報送現金卷或者物品，d人買十幾廿份為左d贈品，剪低張換領卷就將十幾廿份報紙完全無睇過就掉左，點解d所謂環保人士唔去話下佢！
反而新年派利是就話d人浪費紙張，呢d係乜野道理呀又？

香港係一個靠消費既城市，垃圾廢物自然多，若然講點減少垃圾，不如直接講點樣處理垃圾先係正確方法，本末倒置，不如叫香港人完全唔好買野就最有效！

點樣處理……例如協助回收行業就較為直接方法……

好似而家咁，政府食住呢個話題，第日又話收垃圾費，驚人到時將垃圾放街邊垃圾筒就話減少街上垃圾筒黎迫你比錢，咁樣難道大家樂見情況？最後只會肥左d所謂環保組織同政府……

市民方便...節省行政負擔...吧~??（本人偏向支持無膠袋日...）

但你需要強調：其實人人應該自律，不用靠「無膠袋日」約束使用膠袋。