倉鼠的問題

雖然相片係睇到佢大細眼,但睇唔到佢有冇眼水or黏液,要留意一下有冇呢d問題.如果有黏液or其他野整住咁既話,可以同佢抹一抹:
藥用棉花,加少少微暖既水,抹下鼠鼠隻眼,都係唔得就可以用極微既力去試(冇信心控制力度就唔好試),如果係有塵or眼屎既話,應該整得走,如果唔得可能係控制力度唔好(但都唔好勉強,一定唔好勉強呀),到第日再睇下有冇,有野在眼佢自己都會整下既,明天都仲係咁既話就可能隻眼有病了

如果冇流眼水既話,我建議你做既野如下:

1)可能角膜結膜炎,多數係因為環境污糟or整傷左隻眼引致既.因為鼠鼠既眼睛係凸出唻,所以好易會有呢個病.除左保持環境清潔,同埋要檢查下環境有冇d咩物品會整到佢

2)如果有第隻鼠一齊住既話,就要分籠,因為好易係因為打傷而做成既.就算你好肯定唔係打傷,都好易被第隻鼠乘機打傷佢or細菌傳播出去

3)將水,食物放近佢,如果佢唔識去食既話,要餵佢食野,睇下食唔食.

4)鼠鼠眼睛咁樣,應該會對外界更加驚,所以冇必要都俾鼠鼠靜下,保持安靜.

5)眼疾好難自己去醫,所以最好就帶鼠鼠去睇醫生啦,市面上我都見過都有d眼藥水既,但係咪真係適合用就好難講,始終就咁講唔可能100%肯定係咩問題.所以最好係去睇獸醫,可以考慮一下愛護動物協會.
愛護動物協會診所資料:
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html

2007-06-20 15:06:52 補充：
仲有,打傷未必一定有傷痕,只係打中隻眼就會見唔到其他地方有事了鼠鼠係夜晚活動,所以有時打交你未必知,係咪都好,最好就分開佢地啦,隻鼠好老啦,小心處理,唔係好易死架行唔穩應該係因為佢眼令佢咁,除非佢有其他病徵,就會有其他可能

2007-06-21 23:31:05 補充：
睇到你另一問題既評價,明白而家情況幾冇助咁,年老既鼠係好難避免我又覺得你唔洗咁灰心既,佢都算識行識走,仲有食野,鼠鼠既視力其實已經退化左好多,主要依賴聽覺,嗅覺同觸覺去生活,所以就算盲左,對鼠鼠唻講都唔會太大問題.如果冇其他病既話,一般盲左既鼠都好快會習慣,再生活落去並唔困難,最怕係細菌感染而有第d問題,所以最好將佢獨立養,減少佢出事既機會都可以睇下醫生,睇下有冇藥物幫到佢

2007-06-22 23:39:21 補充：
1.有皮膚病既鼠邊度甩毛?近眼耳口鼻既話就唔可以噴,唔係既話就好易整親佢.仲有要分籠,因為會傳染既詳細資料可以到以下我回答既知識度參考一下,情況同你講既一樣,因為字數有限,呢度唔多講了http://hk.knowledge.yahoo.com/question/?qid=70070616010702.如果睇返你放既相我就唔覺你隻鼠生瘡,生瘡應該好明確有粒野咁,林林地就係瘡,硬既就係腫瘤如果係瘡既話,未爆都可以食藥睇下得唔得既,有d瘡係食藥就ok,但如果醫生話要放膿,要落麻醉藥就要諗真d,分分鐘咁樣死

我諗 睇醫生安全d,唔好自己做了...

同倉鼠要去 睇醫生
唔怕

衰言我唔太識倉鼠
但我朋友隻野都試過

佢都無咩辦法架
於是我都叫左佢睇獸e
之後好番左
你帶佢睇獸e啦