每天為魚缸換水可以嗎？

撞鬼咩，咁細個「缸」六條魚
圖片參考：http://hk.yimg.com/i/icon/16/59.gif

你咁樣唔係養魚，係困佢地入監倉，等魚死。
冇濾水器等於監倉冇厠所，所有大小二便積o係度，更衰o既係魚唔同人，人只係聞到臭味，魚就要o係屎尿中游水、飲食、呼吸。魚屎同剩糧o係水中腐爛，會變成有毒物質，濾水器就係要俾地方益菌住，由佢地清理呢ｄ物質。
冇濾水，唯有換水，冇錯，唔可以換太多，三份一之一半就ｏｋ，三四日換一次亦正常，但係有冇吸走石春底o既污物？呢ｄ污物會腐爛影響水質，加上水體實在太細，所以你點換都唔會清。
氣泵啲氣太勁，可以去買個氣喉用o既夾，扭螺絲咁樣就可以控制出氣量。
小朋友，有心養魚，都希望魚活得開心，你唔好見條魚係咁游就當佢開心，可能佢只係因為環境太迫而燥狂。買少個 game／幾本雜誌，返屋企多兩晚食飯，足以買個大ｄo既缸啦。

如果你每日換水，就不大好，因為魚兒會不適應，最好三四天才換一次（我都是這樣換水。﹞而水很混濁，就是魚兒的臭臭飄了出來，不關換水事！！！！！