同女朋友分手了差不多一個月..個心仲係好掛住佢

我想問你，到底你同佢嘅拍拖情況係點，係因為乜野原因分手？

我都曾經同好愛嘅女友分手，我都曾經以為只要寄情於工作，就可以搵到出路，點知唔得。我問我老友點先可以唔諗佢，佢話你會一直諗佢，直至你同番佢一齊為止。

結果我辛苦左好耐，結果都諗到方法同佢喺番埋一齊，所以你真係應該諗吓你地仲有冇機會做情侶。

首先你要諗吓到底佢過去係唔係真係鐘意你，如果你係佢心中鐘意嗰類型，咁你地即係仲有機會。跟住你就要諗到底你地喺相處上出左咩野問題，先至導致分手。

如果你係喺同女友相處度處理得唔好，咁就算你再搵過一個女友，都有可能又分手；倒番轉，如果你可以改善自己嘅相處之道，你今次或者可以cool到煲都唔定。

你唔好咁灰心住，你花時間諗有乜辦法可以唔諗佢，不如花時間諗有乜辦法cool煲好過。一個會成功嘅人係冇咁易放棄嘅！通常，你唔搵佢三個星期係好平常嘅事，接住落嚟係要睇佢搵唔搵你，如果佢搵你，你就有機會cool到煲。我識個女仔主動同男友分手後三個月，結果都忍唔住搵番個男仔，仲結埋婚。三個禮拜係好小事，仲有得睇耐啲。

你而家乜都唔使做，耐心睇吓佢會唔會call你，如果佢主動搵你，你千萬唔好即刻妥協，要吊高嚟賣，否則前功盡癈。如果你等極佢都冇電話嚟，你三個月後再搵佢，睇吓有冇機會追番佢。事情好多時會有轉機嘅！事乎你handle得好唔好。

男和女的戰爭，每日都上演。每次的吵架也見證著一段愛情，誰比誰愛得深，男與女的高低。我為了尊嚴，可以恨下心不找前男友，到最後他捨我而去。我為了尊嚴，恨下心分手，到最後那男人給我俘虜了。其實愛情的羸輸在乎你點睇，如何你愛她勝於一切，就請你放下無謂的尊嚴。如果你和我一樣心高氣傲，你可以繼續吊高黎賣。

同我既情況差唔多,不過.......呢d野無得特別去忘記,你想諗咪諗囉!
既然無得再一起......咁都無法,你有無諗過你地係咩問題分手!?諗好左下次拍拖就唔好再錯啦!你係男仔可必因為感情已放棄工作呢!?
或者........會有個更好等緊你呢,又或者有一日,你地會再一起,無人知既.

你拿拿聲發展另一段戀情 ......... 好快就會忘記了他 , 我以前都係甘架 !

想唔好再諗佢?
不如dum晒關於佢嘅嘢啦~
到你想睇嘅時候又冇得睇,,
遲d你就唔會再掛住佢架啦~
其實要忘記一個人真係好辛苦架*
或者當你又掛住佢嘅時候,,
諗吓佢點hurt你~
o個陣就會愛佢變成恨佢架啦*

如果呢次係你既初戀，咁你一定好難忘記。
咁你唯有唔好理佢，最好掉哂所有同佢有關既野。