我岩岩養魚，有d野請教下，20分

圖片參考：http://hk.yimg.com/i/icon/16/34.gif

原來我有 fans，問題明明冇問咁多野，樓上就將我以前o既最佳解答搬出o黎，係咪以示自己ｄ書有好多知識呢？奇怪，答非所問．．．
http://hk.knowledge.yahoo.com/question/?qid=7007051302018

１．如果我不用氣泵..但是我要怎樣才能令牠們可以有充足的氧氣??
三個字：買氣泵。呢個係基本計備！一係你有足夠照明燈具、co2同大量水草，等光合作用造足夠氧氣；一係用頂濾／掛濾等水流溶足夠氧氣入水。否則氣泵慳不得。
２．氧氣珠...大慨是何時需要更換??...
個個禮拜都有新手問可唔可以唔用氣泵，唔知點夠咁想慳呢少少錢？氧氣珠要不停換，小數怕長計！一個氣泵用少少電，一勞永逸，仲唔駛用ｄ唔知係乜o既化學野。
３．換水方面又要怎樣??每天換一次...這會很費錢...要怎麼才好??
細缸換水密ｄ，大缸可以疏ｄ，最多三日一次，日日魚會頂唔順水質急變！換入o既水要做養水程序，即用前一日裝o係樽／桶中，放一日後等水中氯氣釋出再入缸；大缸冇位養水先唯有水喉水直入。亦可以打氣加快氯氣釋出。
４．個魚釭很多排泄物...好噁心,滿釭都是,條清道夫唔多有效...
清道夫唔係食屎o既！佢只係o係缸底覓食，令你以為佢專食屎。要清理魚屎，係人o既責任，買支吸屎用o既手動泵，換水o係缸底吸下啦。
５．我想做把魚釭變成一個食物鏈要怎樣??...
冇乜可能架啦，一係大個缸只養一兩條食青苔o既魚。冇得慳、冇得懶。
６．對於一個養魚新手來說,有什麼要特別注意??
水質控制，新魚對溫（成個袋放入缸中十五分鐘，等水溫平衡）對水（逐少加大缸水入膠袋，三十分鐘之三幾個鐘後先放魚入缸，原袋水唔要）同檢疫（對水時放ｄ藥殺菌，認真的話放入一個小缸中一至兩星期觀察再入大缸）。
７．最後想問埋...點解條清道夫貼左係個魚釭側面??
清道夫同琵琶等魚生活於水流急o既地方，吸盤可以吸住木石表面，亦畀佢地食青苔，呢個係慣性。

而答案前半部係由另一答案度抄出，作答者lari_chu
我都係用細缸養淡水魚，開頭養魚唔多唔少都會死一o的．．．佢地可能買返o黎之前已有病，新手養魚難，要醫好病魚更不易，珍惜餘下的魚吧．．．至．．．
p.s. 如果魚喜歡在濾水到向上衝，佢地係開心玩衝浪je, 唔好俾佢衝出缸外就okay 架啦
詳情參考 http://hk.knowledge.yahoo.com/question/?qid=7007010403861
係fans都唔駛咁下話。
答返問題：
１．你個缸開左幾耐？濾水器開左幾耐？個缸有冇泥？新缸水濁係正常o既，濾水器如果有足夠濾材（生物棉，生物環），行得幾日至一個星期，水會漸漸清，即係表示濾水器中o既菌開始發揮作用同足夠。此後加生物要逐少加，特別係細缸，唔好令細菌負荷過重。
另外，你有冇用泥？係唔係用頂濾？頂濾出水由上而下，可能會打起泥粉，需要加濾綿作物理過濾，或者改出水口連接花藍，減少水力。
２．神仙？會啄魚架喎．．．班馬亦鍾意極速追逐。呢個情形下，除非你個缸密植水草有地方匿又夠大，否則我估新燈好有可能跳缸（有冇發覺魚鋪買新燈o既缸都有蓋？）。我個缸初開時都有呢個情況，第一批新燈一半跳樓，後來多左水草先冇事。
３．流木入缸前請浸水，因為放左好耐，唔好將ｄ塵埃、雜質帶入缸，亦可以等空氣釋出同甩色。甩出o黎o既色冇害，但係難睇，可以用活性炭吸走。有人用刷刷表面、用熱水浸甚至用煲煲，亦有人話咁樣反而愈甩愈勁，所以建議用鹽水鎖色。有人索性由得佢浸o係大桶中幾個月。我就只係浸幾個星期然後就入缸，加活性炭吸色。真係各師各法。

1 你可以用氣泵，還有用較細的砂。

2 ？


3 落水前要清洗乾淨（請勿用清潔濟！！！！！）

1. d水好濁，可以點呢??
買個好D既濾水器, 放D濾棉及濾材做養菌, D水慢慢就會清,
如果你魚缸頂或魚缸附近放唔到濾水器, 可以考慮下潛水濾水器,
效果唔錯架, 我個40寸魚缸及24寸龜缸都用緊!

2. 養左 斑馬、新燈、芝麻仙，有咩要注意??
這類咁小型魚, 最緊要留意水流唔好太急, 沖多兩沖, 命都唔長,
餵唔好餵咁多, 因為食唔哂又引致水質污染,
放D類似山, 木及草等, 另到D弱小D魚有匿藏之處

3. 買左舊流木，落水前要點搞?
確定舊木係新定舊, 如果係舊就最好啦, 沖沖洗洗就用得,
但係如果係新既就煩D, 要用滾水煲, 煲到舊木脫哂色, 再浸過水先
用得, 如果唔係, 放左落缸, 不停脫色, 你都有排煩!!

d水好濁，可以買個氣泵

1 .可以買個好d ge 濾水器.活性炭.同埋要落藥水.千其吾好用aa果隻..(本人覺得吾好)
2.一定要留意溫度.暖管是必需的..但依加天氣熱..如可以.最好加裝散熱風扇.
3.落水前好放去個"獲"到高溫卓佢15min.希望幫到你