我隻倉鼠生左粒倉

林林地先係瘡,硬既話就係腫瘤,兩樣都要盡快睇醫生先得

瘡既話,最好在爆之前就處理好,唔係既話,爆左就好麻煩,好難好返.
獸醫可能會幫鼠鼠放膿,要唔要放就要睇實際情況先知,由於有細菌感染,應該就會用抗生素治療.如果係用抗生素既話,必須定時服用晒所有抗生素,絕不能中斷.

腫瘤既話應該會照下,再做手術整走佢

放膿or整腫瘤都要落麻醉藥(放膿要睇位置同情況),所以如果你隻鼠年紀大既話,毫要考慮清楚先好決定,老左既鼠好難承受到麻醉藥既.

呢兩樣情況都需要較多儀器,可以到大圍度睇:
最出名醫鼠既係呢間,但就較貴:
大圍珍禽異獸及寵物醫院 DR.TIGER
Tel: 2687 1030 地址:大圍積信街75號地下
http://www.taiwaiexotic.com/

平d可以睇愛護動物協會,但做手術既話,都可以會叫你睇大圍,因為設備不足.
愛護動物協會診所資料:(需入會) Dr. Cora heywood
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html

睇醫生可能要book or如果未即時去到既話,可以做住以下既野先:
1)有第隻鼠既話要分籠,患病既鼠被第隻鼠乘虛打死(鼠鼠本身係獨居動物,其實咩情況都係一籠一鼠較好)
2)保持環境乾爽清潔,避免有更多細菌再令鼠鼠受感染
3)唔好俾風直接吹到鼠鼠,要鼠鼠保持溫暖
4)俾一d有營養既野佢食.可以試下俾d麥片or白麵包佢(得呢兩類人既食物我會俾鼠鼠食,仲係有病先會俾)
5)如果鼠鼠唔食野唔飲水,就用手直接餵,都係唔食既話,就要俾d耐性試多d,鼠鼠唔舒服,又會好累咁,係冇咩胃口既.

2007-06-19 16:18:50 補充：
我就唔建議問左鼠店既人點先,一來冇儀器,藥物亦少,二來開鼠店唔等於一定對鼠好熟悉同了解,如果情況佢地幫唔到你,好心既會叫你帶佢睇醫生,唔好心既,是旦叫你買d藥返去試,咁就唔好啦鼠店始終都係做生意既地方,而請店員都唔會要求人係對鼠好有認識先請,所以平日鼠店講既野,我覺得要自行分析左先好相信.我以前都信錯過好多次呢~

2007-06-19 17:31:56 補充：
有d良性既腫瘤係會冇咩野咁,但都會搶鼠鼠既營養,所以由得佢都唔係好既方法,咁就又唔知係咪良性,就算良性,鼠鼠都未必係隻隻都受得住

你可以問番D賣倉鼠的人~佢地應該知道~希望可以幫到你啦!!!

http://www.taiwaiexotic.com/

我之前養個隻倉鼠，佢都係大腿側邊生了粒大蒼，我「掂」落去，佢會縮一縮。但又無其他嘢，所以我都無再理「它」，直至三年倉鼠「仙油」咗，個粒蒼都仲有。到而家都唔知係咩，不過我無理佢，都等到三年啦!
我之前有隻兔仔有病，帶佢睇獸醫，佢都話無得救，可能係太「小」的動物啦!佢都愛漠能助。

有。上個星期剛剛同朋友談論過這個問題，他告訴我他兒子的倉鼠生左粒倉，給獸醫打了四支針，共六百元。但我們討論的主題是，買一隻倉鼠約需十元，是否值得花六百元打針，便要看你對那倉鼠的感情有多深了。

不如去問下買倉鼠D店主,我諗佢地會有計掛!!