新手 set 缸器材添置一問

１．co2
必須架啦，買個鋼樽，1kg都ｏｋ啦，仲有錶頭，止逆伐（防止停co2時水倒流入錶頭電磁伐），c02喉，細化器（豐儉由人，$500一個玻璃製品到有人用竹筷子等氣滲出）。計埋都成千蚊有多架。c02丸就唔好用啦。
２．濾筒
頂濾唔係唔得，但咁多人用濾筒，因為佢過濾效能夠好，濾材容納量大。最重要係入頂濾後水有暴露於空氣o既過程，出水位係由得水自由流入缸，但咁樣就加快水中co2流失。＄o黎架嘛。
３．泥
新手用 ADA 黑泥最方便，酸鹼度保持得好，又有肥，但記得要買黑泥第二代，因為第一代令水變黃，連 ADA 官網都有公佈。記得加基肥o係底。再有錢ｄ買 ADA 活化泥底o既產品加入去，再加泥。泥要前景薄（2寸左右）後景厚。有人話泥底加發熱線可以幫助泥底水流。
４．燈
大問題啦，套缸你點加燈呢？本身支燈係乜色乜火數呢？你個缸又幾高呢？
草缸要用白光（色溫6500-8000k，過高會生藻），水深18寸以上建議用卥素燈（但電費貴，水溫高，可能令你要買水冷機，到時電費仲高，但你堅決要養蝦的話，水冷就一定要買，又千幾二千蚊啦
圖片參考：http://hk.yimg.com/i/icon/16/19.gif
）。所以你要度一度你水深會有幾多。人地話種陽草（對光要求高）要約1W對1L水，即係你要用到合計42Wo既燈具。平ｄ又耐用o既係T5/8管，但穿透力唔高；PL管可以應付深ｄ水；再上一級係 T5HO。多數燈具係一尺／兩尺／三尺咁上，尺半買燈具會有ｄ麻煩。如果你水深會係 14"左右可以用 PL管，T5/8 都應該有較多長度揀。呢方面你真係要慢慢諗。唔想煩，改種陰草囉（莫絲，鐵皇冠，水榕），有ｄ光就會生到。
不過最好當然係唔用套缸～
圖片參考：http://hk.yimg.com/i/icon/16/10.gif