急!幫幫我呀大家.....(特別係女仔)

可能佢想復合啦, 不過我係你既話, 萬一佢真係想復合都唔好囉, 好馬不吃回頭早嘛, 何況仲要係佢對你唔住添.

又或者有機會佢同依家個男朋友關係出左問題, 想問你意見都唔出奇, 可能佢認為你係比較了解佢既一個啦, 所以有事想搵你商量.

我係你唔怕同佢傾下, 當然如果唔係阻倒自己既, 又得閒既, 當幫下人都冇防既. 但係呢, 你比佢既答案一定要決斷d, 千祈唔好拖泥帶水, 費事比佢覺得仲有希望丫嘛.

女仔呢, 飛左自己男朋友, 但男朋友仲可以同自己做倒朋友, 講倒野(即係好似你咁), 一定會覺得依個男仔仲鍾意自己.....有咩事上唻就當依個人係自己水泡.

我身邊d朋友都會係咁, 不過個女仔唔係仲鍾意ex果個, 只係想搵人嗲下, 同埋証明自己仲有價值既.....雖然依個做法好自私, 不過有係事上唻人人都好軟弱既.....

或者你真係聽下佢講乜先囉......冇壞既~

我會認為佢個男朋友對佢唔係好好，

想傾下但想唔起有邊個

就搵你

1.当你是救生圈,男朋友对她差,找你陪她...
2.想看下你还有没有喜欢她...你知啦...女子都喜欢被爱

我會認為係佢宜家個男朋友對佢唔好，
或者佢覺得ｌｏｎｅｌｙ，
就走黎搵你囉，因為你係一個有機會仲鐘意同鍚佢的人。

唔好覺得無任何意思，普通朋友無聊搵下，傾下電話仔？等等，
若果係咁你同佢一分手就一直有ｋｅｅｐ　ｃｏｎｔａｃｔ做番朋友
唔會等到半年之後，仲個個都唔搵，
佢唔會得你一個傾到計既男仔朋友掛
偏偏要揀個ｅｘ黎搵，
信我，女仔咁既情況搵番你一定係有意思。
但係有ｄ女仔真係會好衰，
當然你自己行量得到佢有否當你水泡，ｏｋ？

你可以關心下佢，但以後如果你會同佢係番埋一齊，
你會發覺已經唔同以前，
因為一次不忠，你覺得呢個女仔信唔信得過？
若然你好鐘意佢，咁講咩都無用，愛情盲目，哈哈，另作別論。

ｇｏｏｄ　ｌｕｃｋ^ . ^

好簡單啦...悶呀.唔開心呀...無聊無野做
for fun 玩下你呀咁囉....
就算點樣都好佢都係想搵個人hea下囉
好明顯就係好無聊想起你,
想知你重有無鍾意佢呀咁囉...
好多無聊人架啦

第1個可能想同你一齊番..(同你講佢發覺你好過佢個男朋友,作比較)

第2個可能係佢同佢男朋友分手OR唔開心想搵你同佢傾,想有個人Tum下..

第3個想同你做番朋友(好少可能性,因為咁耐冇搵)