「好人品」異性朋友點先遇到？？

幸福係要自己去尋找的，老土d講句，好似綠野仙踪入便的主角咁，稻草人想尋找頭腦，錫鐵人想找心......但過程中往往經歷了許多失敗挫折。

機會唔會自己送上門，有d人好早尋找，但失望而回，有d人遲黎先上岸。
我算好好彩，由於太執著，以前總覺得女仔唔應該咁主動，好似好cheap咁，都錯失過不少機會，不過好好彩，當我想改變自己時，為時未晚，仲可以話遲黎遲上岸添，但總算上到岸。

香港男仔女仔其實都有許多優點，不過就太忙，分唔到時間想終身大事問題，好人品異性到處都在，千祈唔好覺得廿零卅歲果d人，如果未拍過拖就係一定有d問題，咁會收窄左自己選擇的範圍，因為我身邊都好多呢d人，只因生活太忙，未有空想人生大事。每個人都係獨立個體，始終要相處過先知係聞名不如見面，抑或見面不如聞名。

至於點先遇到，都係果句，擴闊生活圈子，例如百忙中都參加親戚朋友姨媽姑姐的活動，只要馮請必到，馮到必早，人地下次就會再搵你。或是轉換環境，例如轉工，轉下參加開的興趣班，搬下家，返下青少年中心......

此外，保持最佳狀態都係必須的，例如做多d運動，注意外表打扮，潮流趨勢，唔駛好貴咁裝身，只要潮潮地，睇得出有少少執過個外表就可以。因為機會唔係時時有，當你遇到時，偏偏俾人睇到你最yup的樣子就唔係咁好，唔駛話要驚為天人，但係唔好俾人反感就可以，始終清潔整齊係人際交往基本禮貌。

最後，就係要保護自己，普通交往對象可以有許多，但深交就要睇定d，遇人不淑係好傷架，識得保護自己好重要，小心駛得萬年船，初相識的，馮人只說三分話，不可全拋一片心，否則手尾好長。

祝順利遇到mr/miss RIGHT!!!

去麻雀館啦,"牌品好就人品好"嗎。
講真「好人品」並非要"遇"即邂逅或"求"即追求，而係要相處、了解、認識，所謂"日久見人心"ma。唔同你要靚仔靚女，無可能你見一眼或傾一晚，就知佢人品如何。
又或者留意你身邊的朋友或同事，話唔定你會發現" 眾裡忸尋他千百度,驀然回首,那人卻在燈火爛珊處.

人之初,性本善,即未受社會浸淫,不會學到害人的事.
有些人近朱者赤,近墨者黑,即是受朋輩影響.
但有些人在複雜環境仍出於污泥而不染的,所以最主要是該人的本性.
好人品定義是要有很多因素組成, 如待人和藹可親, 樂於助人, 對老人和朋友關心和尊重等. 如要找這些人,一定要耐心觀察,問和觀察其周邊朋友和問他的為人如何,便可找出他/她是否好人品,難是難找.
但愛情是雙方面,而人也沒有十全十美, 如愛對方,必須要互相遷就,大家才白頭到老.