搵工關於文員...急!!!!!

由於今年市道好，一個未做過野嘅人，叫6千都唔算過份，好多大公司都接受到，就算細公司而家都有唔少可以出高啲人工請人。

你可以嗌住6千睇吓反應先。遲啲你搵工經驗多啲時，你會明白啱啱搵時不妨叫高啲，試吓個市場反應，如果冇乜人搵你見工，咁你就知道可能你個價比市場高，你再apply之後啲工時自然就可以減啲，嚟增加自己嘅機會，係好機動嘅！而家叫住6千先啦！

你又要明白，見唔見得成工，除左你嗌幾多錢外，你喺面試時嘅對答亦係好重要嘅關鍵。好多職場新人，面試都冇乜技巧，人地一個問題，自己諗到乜就答乜，其實咁係唔得嘅！你明知聽日面試，你早一晚就要諗吓你in嘅係乜野post，估吓人地會問你啲乜，然後預先諗定一啲人地會啱聽嘅答案，有時為左個答案聽落啱聽啲，講吓大話都要。如果面試官滿意你嘅對答，想請你，但又唔想出6千，自然會俾個價你，你到時先考慮減唔減都未遲。

至於你問一般幾耐先會聯絡你，好睇你apply嘅係乜野公司同邊個post。如果你見細公司嘅文員，人地對你係有興趣嘅，多數收到你信後嘅第二日，或之後嘅兩三日就會call你，但有啲亦會等到一星期後先call你，但呢啲公司唔多。至於大公司，一般就鐘意收多啲求職信後先shortlist嘅，所以可以拖到一兩個星期後先call人上嚟面試都唔定。但由於今年市道較好，好多公司爭人用，不少大公司都破例好快咁搵求職者上嚟interview。你申請嘅文員屬初級員工，公司會冇咁揀擇，以今年嘅情況，就算大公司多數都會喺收到信後兩至三日內call你。

聯絡嘅方法當然係直接打你手提電話，一般冇第二個方法。所以你搵工期間，要make sure你手機喺office hours(朝9至夜晚8點前，因唔少公司會ot)長開，仲要唔係震機(驚自己sense唔到)，因有唔少公司可以串到第一次call求職者電話唔通，就放棄唔再call第二次，而係搵過第二個算數。

有無興趣了解一下金融服務行業的工作呢？如你自問你是一個積極進取個性開朗建談的人，歡迎隨時聯絡我，這份工作會為你帶來無盡的收入與無盡的自由，只要你於最初的時候付出最大的努力與熱誠[email protected]，謝謝﹗

我f.7 畢業,f.5 做過2個月sales,offer 都有 7200,我諗你開7500佢會accept,or 你可以開高少少博下.......
當然好講際遇,我有d friend offer 唔過6500,但你有讀過相關既course ,會 competitive d,咁就一定好過f.5,因為你既學歷+d 僱主會憂慮佢地係summer job就唔請佢,而選擇你....

面試呢樣野都唔定,多數都用電話既....多數一,兩日,但唔多過一個星期,不過我有個同學sent 左 唔過五分鐘,o個個人就打俾佢,當然呢d 情況唔常見

我suggest 你唔好因為佢要求一年經驗而放棄,因為好多時你既學歷+interview 既表現可以補救

加油,而家個市都ok,搵工唔難架!!我in第一份工就中左喇!
你都得架,the most important is the interview
要冷靜,有自信





















d

2007-06-19 00:13:58 補充：
我都係今年先畢業

你成篇都冇講過你講到中幾喎~仲要睇番你英文或者國語得唔得咁啦~
冇工作經驗~年紀又細~係爭d嫁~老闆都傾向中意請d有少少經驗~又唔好太多~免得意見多多~廿幾歲~貪呢個年紀學野快又唔駛成日掛住返屋企湊仔or做飯~我做野o既經驗話我知~其實老細唔係'其'視冇經驗同後生的人~係我發覺好多後生仔女做兩日又話唔做~就唔返就算~交代都冇聲~我老細同我講~好唔中意請太細~~老細都要比心機教你野嘛~你拍下屁股走左去~浪費時間喎~
6000蚊高左小小~5000蚊啦~累積下經驗~
通常係中意你好快會打比你~等幾日都冇多數唔得~有時公司會成個月之後先找你~呢個情況可能你係第二選擇囉~