這個男友.....值唔值得呢
2007-06-18 10:13 pm
我個男友係細仔,由細到大都比佢亞ba&ma寵壞,好細個就唔鍾意痴家,又唔鍾意讀書,中二就唔再讀了,我同佢識左成十年都有,初初鍾意佢係因為我的baba&mama唔錫我,只錫我個妹,而佢又對我好好wor,但耐左,我就發覺佢真的好無責任感,我哋現在是同居的,雖然佢有比租我亞ma(因間屋係我亞ma嘅)後來我發現如來佢時時都係打電話問佢亞爸攞錢來交租,佢係一個好大洗嘅人,又唔肯做長工,又愛食煙賭錢,無錢都要賭,佢亞爸亞媽都年幾大了,但佢從來都唔會比家用佢哋,佢話有佢亞哥搵錢多,有亞哥比就得了,我今年21歲佢23歲,真唔知同佢會否有將來,好擔心,就連父老佢都顧住玩,唔同佢亞爸食飯,咁唔愛自己家庭嘅人,佢會否愛我同佢將來嘅家庭呢???
回答 (13)
2007-06-18 10:26 pm
✔ 最佳答案
你有冇同佢傾過呢個問題 ??若有傾過三四次都係咁 , 咁就算啦 , 呢個人唔值得再一齊
但你地冇傾過呢個問題 , 你應該比個機會佢 , 最多三次 ,
有改過就可以了
每個人都需要別人既提點才會成長 , 每個人都需要別人比機會 ,
呢一刻你真係想佢好既 , 就諗盡辦法令佢改變 , 軟硬既招數都可以用 ,
若佢真係緊你既 , 我相信佢會變 , 若佢唔在乎你 , 你同佢一齊都冇意思 !
溝通多d , 潛移默化佢啦 !
2007-06-19 12:00 am
其實只是睇你覺得值唔值得,
如果你覺得唔值得,
可以放棄,
但如果我係你,
我會去改變佢,
因為你們都係好年輕,
可能人到了某個年紀就會長大,
還是,
你們已經識左成十年,
十年的愛情,
唔應該放棄。
如果你覺得唔值得,
可以放棄,
但如果我係你,
我會去改變佢,
因為你們都係好年輕,
可能人到了某個年紀就會長大,
還是,
你們已經識左成十年,
十年的愛情,
唔應該放棄。
參考: 個人意見
2007-06-18 10:57 pm
起衯以為你地識左十年仲估你地係三十幾歲，其實你地仲好後生姐，既然你同佢都識左十年咁你真係要正面d咁問下佢將來打算點，每個人都係度成長緊而佢同你既步伐開始有距離，你會諗下長來，佢依然活你佢自己既直間，真係無係會幫到佢，幫佢都要佢肯伸隻手出黎俾人幫先得架，好可能佢呢個一刻未覺得屋企人重要，因為佢仲活你佢自己既空間到，未知咩叫責任心，未知家庭既重要，未知你諗緊擔心你地既將女，所以你要好好傾下，如果無結果長痛不如短痛，你地仲後生有好多條路選擇。
2007-06-18 10:56 pm
值得或不值得好著重你有幾愛男友，如果好愛的話，想想自己有沒有能力令佢變好，變回一個你眼中正常的好人。 你除了靠自己亦可以靠朋友、長輩或社工幫手，但你預計要好些時間等佢改變，或者佢到時仍未合符你心意，你怕不怕浪費時間? 再深入想想到底佢是否有些優點令你好欣賞佢，所以仍然不捨得分開? 你可以參考這兩個問題的答案再決定值不值得繼續和男友一起。
2007-06-18 10:41 pm
超唔值得
咁你有冇做野?
如果自己有能力的話 放棄他吧
1個咁既男人 真係唔值得你去同佢1齊
唔好再哂自己既青春!!! 女人唔會有好多年青春架
青春過左 到老果時先後悔就慘喇 加油啦
咁你有冇做野?
如果自己有能力的話 放棄他吧
1個咁既男人 真係唔值得你去同佢1齊
唔好再哂自己既青春!!! 女人唔會有好多年青春架
青春過左 到老果時先後悔就慘喇 加油啦
2007-06-18 10:36 pm
其實你問個問題時你都應該好清楚, 你話俾我哋知佢無責任心, 無錢仲要大洗, 食煙賭錢, 唔孝順父母, 不務正業, 你同佢一齊係因為佢對你好, 除此之外, 佢根本就無其他優點令你想同佢一齊. 你好清楚自己想點, 係嘛? 放心去同佢分開啦, 佢唔值得你為佢浪費時間同青春! 女人的時間好寶貴, 有時間去為自己增值多一些, 你會更加有條件識到一個好男人! 要別人愛你, 首先要愛自己, 令自己值得別人愛. 祝分手成功, 早日遇到好男人.
參考: 自己
2007-06-18 10:30 pm
唔好同佢一齊啦''唔係遲D後悔呀''
2007-06-18 10:29 pm
一句女人青春唔係好多.....同佢一齊睇唔到有將來既....而又改變唔到既時候....最後,可能分手係一個最好既選擇.....未來既事冇人知...可能你同佢分手後,佢痛定思過改過自身....日後有緣再一齊都唔定....不過,...現在同佢分手對大家都可能係件好事...起碼佢唔會再因為你負擔多左...你又可以專心d發展自己....希望你明白
參考: 自己過去
2007-06-18 10:21 pm
你應該同佢講清楚，雖然唔會有奇蹟，但叫做比最後一次機會大家，早走早著啦。
收錄日期: 2021-04-12 16:46:09
原文連結 [永久失效]:
https://hk.answers.yahoo.com/question/index?qid=20070618000051KK01782