bla bla bra用後感

我曾經去專門店試過
個度D BRA摸落去係幾舒服 D色都幾靚 個款都幾YOUNG
但總係覺得冇乜承托力, 同埋佢地既胸罩一般黎講都係細D
即係例如佢70B 可能係人地既75A
同埋我見到普遍既SIZE都唔會好大, 應該幾適合少女
值唔值得就睇你自己個人能力
佢個度都係百幾蚊一個 但係唔係真係岩自己?
最好叫店員幫你睇睇! (但我覺得個度D SALES唔係好PRO, 可能我去個間麻麻)

其實市面上都有好多隻牌子既BRA都著得舒服
但著得舒服係一回事, 岩唔岩你著又係另一回事
因為我有唔少朋友因為貪舒服而買BRA, 搞到買錯BRA, D肉橫生, 成個男人咁
即使佢地著WACOXX呢D大牌子 都係著到咁
所以有冇牌子唔緊要, 最緊要係岩!
強烈建議你買個陣叫店員幫你, 如果唔係好易買錯BRA而自己唔知!

無論係咩BRA 最好半年就要換
因為你洗得多著得多會鬆
同埋D鐵線會冇咁靚, 會變型
聽聞D鐵線一耐左仲會氧化, 一用番皂洗就會變晒型
到時就會著壞你個胸!

適當地揀番個岩自己既BRA係好緊要
唔好貪舒服 唔好貪平 唔好怕尷尬
好好地保護你個胸　揀番個岩既BRA　因為呢D野係一世的
希望幫到你 ^^

我屋企有3個bra都係個度買，幾舒服，承托力幾好。
但佢個度唔係款款都承托力好的，有D設計睇落去冇咁有承托力，我去到都係揀款黎買。

不過佢D design幾好，簡單既可以好簡單，華麗上黎都唔差。

不過都係要試試啦，旺角個間D sales幾好，會入黎幫你睇睇你帶成點，唔怕買錯。

整體黎講都讚架: D