我本書１４日過左期，我早個星期已還左，佢話我未還，咁點算？依家罰我＄ｗｏ

我有朋友試過你呢個情況,呢件事大約係3年前,唔知而家係咪咁,你可以試下:

1)去你還書既圖書館,同職員講,如果check左都話你冇還,就要堅定地話一定還左
2)之後佢會同你登記本書既資料
3)跟住佢會話幫你搵下,都會叫你自己返去搵下,唔記得話搵幾耐,好似兩星期,但唔肯定
4)搵完之後你要再返去圖書館,如果冇既話,佢會叫你填一份聲明,大約係表示你已經還左本書
5)之後我朋友就冇事啦,一d $都唔洗罰

唔想等or唔想煩,可以直接認唔見左本書,佢會罰你本書既價值

如果就咁等下有冇人搵到or借本書,佢會不斷計你過幾耐期,咁如果真係冇人借,到時先算就好麻煩了.

2007-06-17 20:44:24 補充：
話唔見書,之後罰既書價好似會比正常既貴,佢會包埋其他$入去,但唔記得係咩$

首先你如果已經確認還咗，就直接去番當時還書既圖書館，同職員講清楚，咁佢地會幫你做一個叫"聲稱歸還Claim return"既手續，會寫住邊本書同要你簽名聲明係邊日響邊間圖書館還咗本書，跟住會落一個message係你張證度顯示做咗呢個手續同delete咗呢本書既借出紀錄係你張證度，呢個mess會一直留係你張證直至本書揾番，但唔會影響其他野，圖書館會派人定期係啲館藏度check有無呢本書，如果係係圖書館範圍內揾番，咁就唔會計你過期，但若果真係有機會係你揾到嗰本書，咁就會當係普通過期還書做法，照計罸款，但有上限罸款，成人書上限係$130

還o左其實可以唔洗理，就算佢地寄封野比你都唔洗驚，如果都係擔心可以借用圖書館的電腦，看看有冇人借o左，咁就冇驚啦。

你可以同佢講:
我好耐之前還左本書